PF Update: तुमच्या PF अकाउंटमध्ये कधी जमा होईल पैसा? पाहा EPFO ने काय म्हटलं

व्याज कधी जमा होईल

EPFO ने उत्तर दिले की, 2022-23 या आर्थिक वर्षासाठी अकाउंटमध्ये व्याजाची रक्कम जमा करण्याची प्रक्रिया पाइपलाइनमध्ये आहे. ते लवकरच जमा होईल. व्याज दिले जाईल तेव्हा पूर्णच दिले जाईल. व्याजाचे कोणतेही नुकसान होणार नाही. EPF अकाउंटमध्ये व्याज केवळ मासिक आधारावर मोजले जाते. परंतु ते आर्थिक वर्षाच्या शेवटी सभासदांच्या अकाउंटमध्ये जमा केले जाते.

advertisement

Financial Stress: आर्थिक ताण कमी करायचा आहे? मग ह्या 6 प्रॅक्टिकल टीप्स आजच अमलात आणा

24 जुलै रोजी जारी केलेल्या परिपत्रकानुसार, आर्थिक वर्ष 2022-23 साठी, पीएफ अकाउंटमधील ठेवींवरील व्याजदर 8.10% वरून 0.05% वाढवून 8.15% पर्यंत करण्यात आला आहे. हे पैसे ऑगस्ट 2023 पर्यंत देशातील 6.5 कोटी ईपीएफओ सदस्यांच्या खात्यात पोहोचण्यास सुरुवात होईल. महत्त्वाचे म्हणजे 2021-22 या आर्थिक वर्षासाठी EPFO ​​ने EPF खात्यासाठी 8.10 टक्के व्याजदर निश्चित केला होता.

अशा प्रकारे पगारातून पीएफ कापला जातो

तुम्ही EPFO ​​कायदा बघितला तर कोणत्याही कर्मचाऱ्याच्या बेस पे आणि डीएच्या 12 टक्के रक्कम पीएफ अकाउंटमध्ये जमा केली जाते. यावर संबंधित कंपनी कर्मचार्‍यांच्या पीएफ खात्यात 12% रक्कम देखील जमा करते.मात्र, कंपनीने केलेल्या योगदानापैकी 3.67 टक्के रक्कम EPF खात्यात जाते, तर उर्वरित 8.33 टक्के रक्कम पेन्शन योजनेत जाते.

PPF मध्ये गुंतवणूक करता? मग महिन्याच्या 'या' तारखेला पैसे नक्की जमा करा, होईल फायदाच फायदा

किती फायदा होईल?

आता PF च्या गणिताबद्दल बोलूया, जर तुमच्या PF अकाउंटमध्ये 31 मार्च 2023 पर्यंत एकूण 10 लाख रुपये जमा असतील तर आतापर्यंत तुम्हाला 8.10 टक्के दराने 81,000 रुपये व्याज मिळत होते. दुसरीकडे, आता सरकारने पीएफचा व्याजदर 8.15 टक्के केला आहे, त्यानुसार, अकाउंटमध्ये जमा केलेल्या 10 लाखांवर तुम्हाला 500 रुपयांचा थेट लाभ मिळेल.