काय म्हणाले मुख्यमंत्री?
राजेश शाह यांच्यावर कारवाई केल्यानंतर मुख्यमंत्री एकनाथ शिंदे यांनी प्रतिक्रिया दिली. हिट अँड रन प्रकरणात राजकारण करण्याचा भागच नाही. ज्यांनी गुन्हा केला आहे, त्यांच्यावर ती करवाई होणार आहे. पोलीस योग्य पद्धतीने कारवाई करत आहेत. कोणालाही पाठीशी घातला जाणार नाही. पक्षाने त्याच्यावरती कारवाई केलेली आहे. संबंधित व्यक्तीला काढून टाकण्यात आलेलं आहे, अशी प्रतिक्रिया मुख्यमंत्री शिंदे यांनी दिली.
advertisement
आरोपीला अखेर अटक
मिहीर शाह वरळीतील अपघातानंतर फरार झाला होता. त्यानंतर पोलिसांनी सापळा रचत त्याला शहापूरच्या माशाअल्ला रिसॉर्टमधून अटक केली आहे. त्याच्यासोबत या रिसॉर्टमध्ये आणखी 12 जणांवर अटकेची कारवाई करण्यात आली आहे. अटक केलेल्या या 12 जणांमध्ये मिहीर शाहची आई आणि बहिणीचा देखील समावेश आहे. या सर्वांनी मिहीर शाहला पळून जाण्यासाठी मदत केल्याचा आरोप त्यांच्यावर आहे.
वाचा - विधान परिषदेसाठी मुख्यमंत्री शिंदेंनी लावली फिल्डिंग, असा आखला प्लॅन!
वरळी हिट अँड रन प्रकरणी प्रमुख आरोपी मिहीर शाह याला मंगळवारी रात्री उशिरा अटक करण्यात आली. मिहीर शाह घटनेआधी जुहूत ज्या बारमध्ये गेला होता त्या बारवर मुंबई महानगरपालिकेकडून कारवाई करण्यात आली आहे. बीएमसीने बारचे अनधिकृत बांधकाम तोडण्यात आलंय. हिट अँड रन घटनेनंतर बीएमसीने बारवर धाड टाकली. यात ग्लोबल तापस बारचे काही बांधकाम अनधिकृत असल्याचं आढळून आलं. त्यानंतर कारवाई करत जेसीबीने बांधकाम तोडून टाकण्यात आले.