TRENDING:
दारूच्या व्यसनाचा भयानक शेवट
सुधा सोनू सहानी असे जखमी महिलेचे नाव असून त्या रविवारी दुपारी आपल्या घरात कपडे धुण्याचे काम करत होती. याच दरम्यान तिचा नवरा सोनू सहानी (वय 35) हा दारूच्या नशेत घरी आला. दरदिवशी प्रमाणे दारू पिऊन घरी येण्यावरून दोघांमध्ये वाद झाला. सुधाने नवऱ्याला वारंवार दारू न पिण्याचा सल्ला दिला आणि अशा अवस्थेत घरी येऊ नका असेही सांगितले.
advertisement
याच गोष्टीचा राग मनात धरून आरोपीने घरात असलेल्या चाकूने पत्नीवर अचानक हल्ला केला. या हल्ल्यात सुधा गंभीर जखमी झाली आहे. घटना स्थळी तिच्या किंकाळ्या ऐकून शेजाऱ्यांनी धाव घेतली आणि तात्काळ त्यांना जवळच्या रुग्णालयात दाखल करण्यात आले. सध्या तिच्यावर उपचार सुरू असून प्रकृती स्थिर असल्याची माहिती मिळत आहे.
पोलिसांनी आरोपी पतीला ठोकल्या बेड्या
घटनेची माहिती मिळताच भाईंदर पोलिसांनी घटनास्थळी दाखल होऊन आरोपीला ताब्यात घेतले. आरोपीविरुद्ध गुन्हा दाखल करण्यात आला असून पुढील तपास सुरू आहे. दारूच्या व्यसनातून निर्माण होणाऱ्या कौटुंबिक हिंसाचाराचा हा आणखी एक धक्कादायक प्रकार असल्याचे पोलिसांकडून सांगण्यात आले