TRENDING:
नव्या वेळापत्रकानुसार गाडी क्रमांक 01004 मडगाव जंक्शन–लोकमान्य टिळक टर्मिनस विशेष रेल्वे दि. 11 फेब्रुवारी 2026 रोजी सायंकाळी 4.30 वाजता मडगाव जंक्शन येथून सुटणार आहे. ही गाडी दुसऱ्या दिवशी सकाळी 5.50 वाजता लोकमान्य टिळक टर्मिनस येथे पोहोचेल. परतीच्या प्रवासासाठी गाडी क्रमांक 01003 लोकमान्य टिळक टर्मिनस–मडगाव जंक्शन विशेष रेल्वे दि. 12 फेब्रुवारी 2026 रोजी सकाळी 7.55 वाजता लोकमान्य टिळक टर्मिनस येथून सुटेल आणि त्याच दिवशी रात्री 10.00 वाजता मडगाव जंक्शन येथे दाखल होईल.
advertisement
प्रवाशांसाठी दिलासा! मध्य रेल्वेकडून चालवण्यात येणार 24 विशेष रेल्वे गाड्या, पाहा वेळापत्रक
यापूर्वी कोकण रेल्वेने आंगणेवाडी यात्रेसाठी विशेष गाड्यांचे नियोजन केले होते. त्याअंतर्गत दि. 7 आणि 9 फेब्रुवारी 2026 रोजी मडगाव–लोकमान्य टिळक टर्मिनस या मार्गावर दोन विशेष फेऱ्या चालविण्यात आल्या होत्या. तसेच दि. 8 आणि 10 फेब्रुवारी 2026 रोजी लोकमान्य टिळक टर्मिनस–मडगाव या मार्गावर विशेष गाड्या सोडण्यात आल्या होत्या. या सर्व फेऱ्यांना प्रवाशांचा मोठा प्रतिसाद मिळाल्याने रेल्वे प्रशासनाने आणखी दोन अतिरिक्त फेऱ्या वाढविण्याचा निर्णय घेतला आहे.
थांबे कुठं?
या विशेष रेल्वेगाड्यांना करमळी, थिविम, सावंतवाडी रोड, कुडाळ, सिंधुदुर्ग, कणकवली, वैभववाडी रोड, राजापूर रोड, विलवडे, आडवली, रत्नागिरी, संगमेश्वर रोड, चिपळूण, खेड, माणगाव, रोहा, पेण, पनवेल आणि ठाणे या प्रमुख स्थानकांवर थांबे देण्यात आले आहेत. या निर्णयामुळे आंगणेवाडी यात्रेसाठी जाणाऱ्या भाविकांना मोठा दिलासा मिळणार आहे.