कशावर होणार परिणाम?
हा ब्लॉक 25 नोव्हेंबर,30 नोव्हेंबर तसेच 2 आणि 7 डिसेंबर रोजी रात्री 1.10 ते पहाटे 4.10 या वेळेत राहणार आहे. या चारही दिवशी नियोजित ब्लॉकमुळे लांब पल्ल्याच्या रेल्वे गाड्यांच्या वेळापत्रकावर परिणाम होणार असून काही गाड्यांचे थांबे वाढवणे, काहींचे मार्ग वळवणे आवश्यक ठरणार आहे. निलजे–दातिवलीदरम्यान होणाऱ्या या कामामुळे मंगळूरू–सीएसएमटी अतिजलद एक्स्प्रेस या गाडीला कळंबोली येथे सुमारे 50 मिनिटे थांबविण्यात येणार असल्याची माहिती रेल्वेने दिली आहे.
advertisement
एवढेच नाही तर 30 नोव्हेंबर आणि 7 डिसेंबर रोजी दौंड–ग्वाल्हेर अतिजलद एक्स्प्रेस गाडीचा मार्ग बदलण्यात येणार आहे. ही गाडी नेहमीच्या मार्गाऐवजी कर्जत–कल्याण–वसई रोड मार्गे वळवण्यात येईल. बदललेल्या मार्गामुळे प्रवाशांना अडचण होऊ नये म्हणून या गाडीला कल्याण स्टेशनवर विशेष थांबा देण्यात येणार आहे.
रेल्वे प्रशासनाने सांगितले की, उड्डाणपूल हटवण्याचे काम डेडिकेटेड फ्रेट कॉरिडॉरच्या पुढील टप्प्यासाठी अत्यंत महत्त्वाचे आहे. मालवाहतुकीची क्षमता वाढवण्यासाठी आणि फ्रेट कॉरिडॉरची गतीमानता सुधारण्यासाठी हा पूल हटवणे आवश्यक असल्याने ब्लॉक घेणे अत्यंत गरजेचे आहे. प्रवाशांनी या कालावधीत प्रवासाची नियोजनपूर्व तयारी ठेवावी .