TRENDING:
म्हाडाच्या नव्या अटीने खरेदीदारांची झोप उडवली
जर तुम्हीही या योजनेत घर खरेदीचा विचार करत असाल तर म्हाडाने जाहीर केलेल्या नव्या नियमांची अपडेट जाणून घ्या. या योजनेत अर्जदाराने अनामत रक्कम भरल्यानंतर 48 तासांच्या आत घराच्या एकूण किमतीपैकी 10 टक्के रक्कम भरावी लागेल. ही रक्कम वेळेत न भरल्यास घरावरील दावा रद्द होईल आणि भरलेली अनामत रक्कम (1 ते 6 लाख रुपये) परत मिळणार नाही.
advertisement
17 फेब्रुवारीपासून नोंदणीला सुरुवात
17 फेब्रुवारीपासून नोंदणी सुरू झाली असून शेवटचे घर विकले जाईपर्यंत ती सुरू राहणार आहे. 4 मार्चपासून अर्ज आणि अनामत रक्कम भरण्याची प्रक्रिया सुरू होईल. विशेष म्हणजे अर्जदाराकडे आधीपासून घर असले तरी या योजनेत घर घेता येणार आहे.
मुंबईत म्हाडाचं घर घेणं आता श्रीमंतांचीच चंगळ
या योजनेतील घरांच्या किमती 31 लाख रुपयांपासून थेट 8 कोटी रुपयांपर्यंत आहेत. मात्र परवडणाऱ्या घरांची संख्या मर्यादित असल्याने सर्वसामान्यांमध्ये नाराजी दिसून येत आहे. काही घरांच्या किमती बाजारभावापेक्षा जास्त असल्याची चर्चा आहे. त्यामुळे ही घरे खरेदीदारांना आकर्षित करतील की पुन्हा विक्रीअभावी राहतील याकडे सर्वांचे लक्ष लागले आहे.