सुरक्षेसाठी कॅमेरा बसवला अन् त्यानंच घात झाला, महिलेसोबत भयंकर घडलं, मुंबईत खळबळ

नेमकं घडलं काय?

साकीनाका परिसरातील एका सोसायटीत 36 वर्षीय महिला कुटुंबीयांसह राहते. तिच्या तक्रारीनुसार, जानेवारी 2026 मध्ये सकाळी 10 च्या सुमारास ती इमारतीच्या लिफ्टमधून जात होती. तेव्हा एक अनोळखी व्यक्ती लिफ्टमध्ये शिरला आणि तिच्या जवळ आला. ही घटना लिफ्टमधील सीसीटीव्ही कॅमेऱ्यात कैद झाली होती.

‘तो’ काळ बनून आला, पण चिमुकलीनं डेअरिंग केलं, नराधमाच्या तावडीतून मैत्रिणीला वाचवलं, कसं?

advertisement

भाजी मार्केटमध्ये गेल्यावर....

गृहिणी 9 मार्च रोजी सायंकाळी भाजी मार्केटमध्ये गेली होती. तेव्हा काही युवकांमध्ये एका व्हिडिओबाबत चर्चा ऐकू आली. तिने याबाबत चौकशी केली असता तिचाच लिफ्टमधला व्हिडिओ असल्याचे समजले. संबंधित सोसायटीतील सीसीटीव्ही फुटेजचा बॅकअप अध्यक्षांकडे आहे. परंतु, त्याचे तांत्रिक काम हा त्यांचा 25 वर्षांचा मुलगा पाहतो. त्यानेच परवानगीशिवाय व्हिडिओ व्हायरल केल्याचा आरोप आहे. या प्रकरणात पोलिसांनी गुन्हा दाखल केला असून पुढील तपास सुरू आहे.

व्हिडिओ शेअर करणे गुन्हा

दरम्यान, सीसीटीव्ही कॅमेरे हे सुरक्षेसाठी असतात. मात्र, त्यातील रेकॉर्ड झालेले व्हिडिओ हे कोणाच्याही परवानगीशिवाय शेअर किंवा व्हायरल करणे हा माहिती तंत्रज्ञान कायद्यांतर्गत गंभीर गुन्हा ठरू शकतो, असे तज्ज्ञांचे मत आहे. त्यामुळे सोशल मीडियावर संवेदनशील मजकूर, व्हिडिओ शेअर करण्यापूर्वी विचार करणे गरजेचे आहे. अन्यथा कायदेशीर कारवाईला सामोरे जावे लागू शकते.