Raigad Crime : खोपोलीत नगरसेविकाच्या पतीची निर्घृण हत्या! काळ्या रंगाच्या कारमधून आले अन्... मुलीला शाळून आणताना काय घडलं?

काळ्या रंगाच्या कारमधून आले अन्...

नगरसेविका मानसी काळोखे यांच्या पतीची विहारी येथील जया बारजवळ निर्घृण हत्या करण्यात आली आहे. ते आपल्या मुलीला शाळेत सोडून घरी परतत असताना ही घटना घडली. प्रत्यक्षदर्शींनी दिलेल्या माहितीनुसार, हल्लेखोर हे काळ्या रंगाच्या कारमधून आले होते आणि त्यांनी अचानक हा हल्ला केला. या हल्ल्यामागचे नेमकं कारण अद्याप अस्पष्ट असून शहरात तणावाचे वातावरण निर्माण झाले आहे.

advertisement

ठिकठिकाणी नाकाबंदी

दरम्यान, या घटनेची माहिती मिळताच पोलीस घटनास्थळी दाखल झाले असून त्यांनी तपासाची चक्रे वेगाने फिरवली आहेत. ही हत्या जुन्या राजकीय वादातून झाली आहे की यामागे अन्य काही वैयक्तिक कारण आहे, याचा शोध पोलीस घेत आहेत. सध्या आरोपी फरार असून त्यांना पकडण्यासाठी ठिकठिकाणी नाकाबंदी करण्यात आली आहे. या प्रकरणाचा अधिक तपास पोलीस करत असून लवकरच सत्य समोर येईल अशी शक्यता वर्तवली जात आहे.