TRENDING:
नेमकी घटना काय?
मिळालेल्या माहितीनुसार, २४ मार्च रोजी पहाटे ५ च्या सुमारास न्यू लिंक रोडवरील 'लकी बिर्याणी' हॉटेलजवळ ही घटना घडली. फिर्यादी विक्रेता तिथे सिगारेट विक्री करत असताना एका पांढऱ्या रंगाच्या कारमधून चार व्यक्ती तिथे आल्या. त्यांनी ८७० रुपयांच्या सिगारेट विकत घेतल्या, मात्र पैसे देण्याची वेळ आली तेव्हा त्यांनी विक्रेत्याशी हुज्जत घालण्यास सुरुवात केली.
advertisement
विक्रेता आपल्या हक्काचे पैसे मागण्यासाठी कारच्या खिडकीजवळ उभा होता. यावेळी कारमध्ये बसलेल्या एका महिलेने विक्रेत्याची कॉलर पकडली, तर पाठीमागे बसलेल्या व्यक्तीने त्याला कानशिलात लगावली. हे कमी म्हणून की काय, कारचालकाने अचानक गाडीचा वेग वाढवला. यात तो विक्रेता कारसोबत सुमारे १०० मीटरपर्यंत रस्त्यावरून फरफटत गेला. या जीवघेण्या प्रकारात विक्रेता गंभीर जखमी झाला आहे.
याप्रकरणी २५ मार्च रोजी ओशिवरा पोलीस ठाण्यात गुन्हा दाखल करण्यात आला. सीसीटीव्ही फुटेज आणि तांत्रिक तपासाच्या आधारे पोलिसांनी कारचालकाला अटक केली आहे. कारमधील इतर तीन आरोपी अद्याप फरार असून, पोलीस त्यांचा शोध घेत आहेत. पहाटेच्या वेळी मुंबईच्या रस्त्यावर घडलेल्या या घटनेमुळे परिसरात खळबळ उडाली आहे.