TRENDING:
कुठे खणला जाणार मुंबईचा सर्वात मोठा बोगदा?
मिळालेल्या माहितीनुसार, गोरेगाव-मुलुंड जोडरस्ता प्रकल्पांर्गत असलेल्या दादासाहेब फाळके चित्रनगरी परिसरात हे जुळे बोगदे बांधण्यात येणार आहेत. मात्र तो चित्रनगरी ते पूर्व उपनगरामध्ये मुलुंड येथे खिंडीपाडापर्यंत बांधण्यात येणार आहे, यासाठी दोन टीबीएम यंत्र वापरण्यात येणार असून हे सर्वात रुंद बोगदे असणार आहेत.
मुंबई शहरातील मुंबई सागरी किनारा तसेच ठाणे-बोरिवली येथेही भूमिगत बोगदे करण्यात येत आहेत मात्र यापेक्षा ही या नव्या बोगद्यांचा व्यास मोठा आहे शिवाय या बोगद्यांसाठी खणण्यासाठी वापरण्यात येणार यंत्रही सर्वात मोठे आहे.
advertisement
कोणत्या मार्गांना होणार फायदा?
मुंबई महानगरपालिकेने पश्चिम आणि पू्र्व उपनगरांना रस्तेमार्गे जोडण्यासाठी तब्बल 12.20 किलोमीटर लांबीचा गोरेगाव- मुलुंड जोड मार्ग प्रकल्प सुरु करण्याचा निर्णय घेतला आहे. या प्रकल्पाअंतर्गत सर्वात मोठे बोगदे हे बांधण्यात येणार आहेत.
प्रकल्पाच्या कामाची सध्याची स्थिती काय?
सध्या या मार्गावरील बोगदे खणण्यासाठी टीबीएमचे सुटे भाग प्रकल्पाच्या ठिकाणी आले आहेत आणि त्याचे सुट्टे भाग जमिनीखाली उतरवण्याच्या कामालाही सुरुवात केली आहे. सुरुवातीस हे सु्ट्टे भाग जमिनीखाली जोडणार आणि मग यंत्राद्वारे प्रत्यक्षात जून महिन्यापासून बोगदा खणायला सुरुवात करणार आहेत.
या योजनेत तीन महत्त्वाच्या मार्गिका
शहरात होणारे हे भुमिगत जुळे बोगदे एकमेकांना समांतर असणार असून प्रत्येक 4.70 किलोमीटरचे आहे तर या समांतर जु्ळ्या बोगद्यांचा व्यास हा 14.20 मीटर असेल. विशेष म्हणजे हे बोगदे संजय गांधी राष्ट्रीय अभयारण्याच्या डोंगराच्या खालून जाणार आहे त्यात ते 13 मीटर असेल आणि या समांतर बोगद्यांमध्ये प्रत्येरी तीन मार्गिका पण असणार आहेत.