सीवूड येथे राहणारा सलमान शेख हा वडिलांची मर्सिडीज कार घेऊन मित्र सुफियान शेखसह वाशीच्या दिशेने निघाला होता. पामबीच मार्गावर ज्वेल्स ऑफ नवी मुंबई लगत पहाटे दोनच्या सुमारास भरधाव कारवरील नियंत्रण सुटले. यामध्ये भरधाव कार कोलांट्या खात थेड रस्त्याच्या विरुद्ध बाजूच्या बॅरिकेड्सला जाऊन धडकली. यामध्ये दोघे गंभीर जखमी झाले असून त्यांच्यावर रुग्णालयात उपचार सुरू आहेत.
advertisement
Mumbai News: 90 मिनिटांचा प्रवास फक्त 5 मिनिटांत होणार, मुंबईत लवकरच नवा पूल, लोकेशन काय?
पोलिसांत गुन्हा दाखल
सलमान मर्सिडीज वेगाने पळवत होता. तेव्हा त्याचे नियंत्रण सुटल्याने हा अपघात झाला. गाडीचे चाक घसरल्याने कार अनेक पलट्या मारत बेलापूरकडे जाणाऱ्या लेनवर घुसून दुसऱ्या टोकाच्या बॅरिकेडला धडकली. अपघाताच्या वेळी दोन्ही लेनला इतर वाहने नसल्याने मोठे संकट टळले. मात्र कारमधील दोखे मित्र गंभीर जखमी असल्याने स्थानिकांनी त्यांना कार बाहेर काढून रुग्णालयात दाखल केले. दोघांवरही उपचार सूरू असून भरधाव कारचालकावर नेरुळ पोलिसांत गुन्हा दाखल करण्यात आला आहे.