TRENDING:
मिळालेल्या माहितीनुसार, जानेवारी 2026 मध्ये आरोपी विजय गावडे विक्रोळी पूर्व येथील 'गुप्ता वडापाव' या दुकानात गेला होता. तिथे त्याने आपली ओळख पालिकेचा बडा अधिकारी अशी करून दिली. दुकानाची पाहणी करण्याचे नाटक करत त्याने मालकाला दम भरला की, तुमच्याकडे 'फायर सेफ्टी' आणि 'फूड लायसन्स' नाही त्यामुळे तुमच्यावर मोठी दंडात्मक कारवाई होऊ शकते. ही कारवाई टाळायची असेल तर पाच हजार रुपये द्यावे लागतील, अशी मागणी त्याने केली. त्यावेळी घाबरलेल्या दुकानदाराने तडजोड करून आरोपीला 800 रुपये दिले होते.
advertisement
पुन्हा वसुलीसाठी आला अन् फसला
एका ठिकाणाहून पैसे मिळाल्यावर आरोपीची हिंमत वाढली. त्याने परिसरातील इतर वडापाव विक्रेत्यांनाही अशाच प्रकारे धाक दाखवून पैसे उकळण्यास सुरुवात केली होती. मात्र पुन्हा तो गुप्ता वडापाव दुकानात पैशांची मागणी करण्यासाठी आला असता, दुकानदाराला त्याच्या वागण्यावर संशय आला. दुकानदाराने सतर्कता दाखवत तात्काळ पोलिसांशी संपर्क साधला. विक्रोळी पोलिसांनी सापळा रचून या तोतया अधिकाऱ्याला रंगेहाथ ताब्यात घेतले.
पोलिसांचा तपास सुरू
विक्रोळी पोलिसांनी आरोपी विजय गावडे याच्यावर फसवणूक आणि तोतयागिरीचा गुन्हा दाखल केला आहे. प्राथमिक तपासात त्याने इतरही अनेक फेरीवाल्यांना लुबाडल्याचे समोर येत आहे. पालिकेकडून अशा प्रकारे रोख रक्कमेची मागणी कोणताही अधिकारी वैयक्तिकरीत्या करत नाही. जर कोणी संशयास्पद व्यक्ती पालिकेचे नाव सांगून पैसे मागत असेल, तर तातडीने जवळच्या पोलीस ठाण्यात तक्रार करावी, असे आवाहन पोलिसांनी केले आहे.
हे ही वाचा :