मॅटर्निटी फोटोशूटच्या नादात ३ वर्षांच्या मुलाचा बळी! स्विमिंग पूलमध्ये बुडून चिमुकल्याचा मृत्यू

नेमकं काय घडलं?

बेंगळुरूच्या नॉर्थ तालुक भागात ही खळबळजनक घटना घडली आहे. 'लक्षमीर' असं मृत ३ वर्षांच्या मुलाचं नाव आहे. लक्षमीरचे वडील चरण आणि आई स्वाती हे आपल्या दुसऱ्या बाळाच्या येण्याची तयार करत होते. त्यासाठी मॅटर्निटी फोटोशूटचा घाट घातला होता. स्वाती आठ महिन्यांच्या गरोदर होती, हा खास क्षण स्मरणात ठेवण्यासाठी त्यांनी फोटोशूटचं आयोजन केलं होतं.

advertisement

फोटोजच्या नादात काळजाचा तुकडा गमावला

आई-वडील आणि फोटोग्राफर शूटमध्ये व्यस्त असताना, लक्षमीर जवळच खेळत होता. खेळता खेळता त्याचा पाय घसरला आणि तो थेट पाण्याने भरलेल्या पूलमध्ये पडला. विशेष म्हणजे, फोटोशूटच्या गडबडीत मुलाचा आवाज किंवा तो पाण्यात पडल्याचं कोणाच्याही लक्षात आलं नाही. काही वेळानंतर जेव्हा मुलाचा शोध सुरू झाला, तेव्हा तो पाण्यात मृतावस्थेत आढळला. त्याला तातडीने रुग्णालयात नेण्यात आलं, पण डॉक्टरांनी त्याला मृत घोषित केलं.

पोलिसांकडून तपास सुरू

या घटनेनंतर परिसरात हळहळ व्यक्त केली जात आहे. नेलमंगला शासकीय रुग्णालयात मुलाचं शवविच्छेदन करण्यात आलं असून, मदनाखानहल्ली पोलीस ठाण्यात याप्रकरणी गुन्हा दाखल करण्यात आला आहे. फोटोशूट सुरू असताना तिथे सुरक्षेचे काही उपाय होते का? आणि यामध्ये कोणाकडून हलगर्जीपणा झाला आहे का? याचा तपास पोलीस करत आहेत.