Delhi Blast Live updates: गृहमंत्री अमित शाहांच्या निवासस्थानी सव्वा पाच तास बैठक, NIA कडे तपास दिला जाणार

लाल किल्ल्याजवळ झालेल्या स्फोटानंतर तपासाच्या घडामोडींना वेग आला आहे. केंद्रीय गृहमंत्री अमित शाह आज दुपारी ३ वाजता गृहमंत्रालयात आणखी एक उच्चस्तरीय बैठक घेणार आहेत. या बैठकीत NIA, दिल्ली पोलीस, IB आणि NSG चे वरिष्ठ अधिकारी उपस्थित राहतील, अशी माहिती आहे. तपासाच्या सध्याच्या प्रगतीचा आढावा घेऊन पुढील सुरक्षा आणि तपासाच्या रणनीतीवर निर्णय होण्याची शक्यता वर्तवली जात आहे.

लाल किल्ला स्फोट प्रकरणाचा तपास आता फरीदाबादपर्यंत पोहोचला आहे. दिल्ली पोलिसांची टीम आज अल-फलाह युनिव्हर्सिटीत दाखल झाली असून, संपूर्ण परिसरात सर्च ऑपरेशन राबवण्यात आले. या दरम्यान पोलिसांनी युनिव्हर्सिटीतील सर्व सीसीटीव्ही फुटेजची तपासणी केली आहे. स्फोटाशी संबंधित आरोपींच्या कोणत्याही हालचालींचे पुरावे सीसीटीव्ही कॅमेऱ्यात कैद झाले आहेत का? याचा शोध तपास पथकं घेत आहेत. क्राइम ब्रांच आणि दिल्ली पोलिसांची टीम अजूनही विद्यापीठाच्या आत उपस्थित असून, काही संशयास्पद पुरावे हस्तगत झाल्याची प्राथमिक माहिती समोर येत आहे.

दिल्ली स्फोट प्रकरणी केंद्रीय गृहमंत्री अमित शहा यांच्या निवासस्थानी उच्चस्तरीय बैठक पार पडली. सकाळी साडेसात वाजल्यापासून बैठक सुरू होती. दिल्लीतील लाल किल्ला परिसरात झालेल्या स्फोटानंतर उच्चस्तरीय बैठक आयोजित करण्यात आली होती. बैठकीमध्ये दिल्ली पोलीस कमिशनर, एन आय ए महासंचालक, आयबी चे संचालक, गुप्तहेर खात्याचे ज्येष्ठ अधिकारी, केंद्रीय गृह मंत्रालयाच्या अंतर्गत येणाऱ्या आंतरिक सुरक्षा विभागाचे अधिकारी आदी बैठकीला होते उपस्थित. जवळपास सव्वा पाच तास चाललेल्या बैठकीत फरीदाबाद मॉड्यूल आणि लाल किल्ला स्फोट प्रकरणाचा पुढील तपास एनआयए कडे देण्यासंदर्भात बैठकीत चर्चा झाली असून लवकरच हा तपास NIA ला सोपवण्यात येणार असल्याची माहिती सूत्रांनी दिली आहे.

फरीदाबादमध्ये स्फोटक आणि ज्वलनशील साहित्य सापडल्यानंतर पोलिसांनी मोठ्या प्रमाणावर सर्च ऑपरेशन सुरू केले आहे. धौज पोलीस ठाण्याच्या हद्दीत ११ नोव्हेंबरच्या सकाळपासून तब्बल ८०० पोलीस कर्मचारी तपास आणि कॉम्बिंग ऑपरेशन करत आहेत, असं फरीदाबाद पोलीस प्रवक्त्याने सांगितलं. या मोहिमेत संशयास्पद ठिकाणे, घरे आणि ओसाड भागांची तपासणी सुरू असून लाल किल्ला स्फोट प्रकरणाशी या स्फोटकांचा काही संबंध आहे का? याचाही तपास सुरू आहे.

दिल्लीतील लाल किल्ल्याजवळ ज्या I-20 कारमध्ये स्फोट झाला. ती गाडी नवी दिल्ली जिल्ह्यातील CCTV कॅमेऱ्यात स्पष्टपणे दिसली आहे. CCTV फुटेजमध्ये गाडी चालवणारा व्यक्तीही स्पष्ट दिसत असल्याची माहिती पोलीस सूत्रांकडून देण्यात आली आहे. हरियाणातून लाल किल्ल्यापर्यंतच्या पूर्ण मार्गावरील अनेक CCTV फुटेज तपासण्यात आले असून, स्पेशल सेलने संपूर्ण रूट मॅपिंग पूर्ण केले आहे. या CCTV क्लिप्स आता तपासेतील महत्त्वाचे पुरावे ठरणार आहेत.

दिल्ली स्फोट… update. १. तारिक अहमद
२. ⁠अमीर रशीद
३. ⁠उमर रशीद
४. शमीमा बानो, डॉ. उमर यांची आई
५. ⁠आशिक नबी, डॉ. उमर यांचा भाऊ
६. ⁠डॉ. उमर यांचा भाऊ जहूर नबी.

दिल्ली स्फोट प्रकरणी फरीदाबादमधून डॉ. शाहीनाला अटक करण्यात आली आहे. शाहीना ही दहशतवादी संघटना जैश-ए-मोहम्मदच्या महिला विंगची (जमात-उल-मोमीनात) भारतातील प्रमुख होती, असा तपासात धक्कादायक खुलासा झाला आहे. तिला भारतामध्ये महिला रिक्रूटमेंट नेटवर्क तयार करण्याची जबाबदारी देण्यात आली होती. जमात-उल-मोमीनात या महिला विंगचे पाकिस्तानमध्ये नेतृत्व सादिया अझहर करते. जी जैश संस्थापक मसूद अझहरची बहीण आहे. सादिया अझहरचा पती युसुफ अझहर हा कंधार विमान अपहरण प्रकरणातील मास्टरमाइंडपैकी एक असल्याची माहिती समोर आली आहे. या उघडकीनंतर जैशच्या भारतातील सक्रिय महिला नेटवर्कबाबत तपास यंत्रणांनी अधिक चौकशी सुरू केली आहे.

लाल किल्ला स्फोटात अमोनियम नायट्रेट, तेल आणि डेटोनेटर वापरल्याची शक्यता वर्तवण्यात येत आहे. या तीव्र धमाक्यामुळे तपास यंत्रणांनी आता अमोनियम नायट्रेटसोबत तेल (इंधन) आणि डेटोनेटरच्या वापराची शक्यता तपासायला सुरुवात केली आहे. मात्र, फॉरेन्सिक तपासणी अहवाल आल्यानंतरच या थिअरीची खात्री होईल. एजन्सींना घटनास्थळी मागील स्फोटांप्रमाणे ठोस पुरावे मिळाले नाहीत. त्यामुळे आता तपासाचा केंद्रबिंदू अमोनियम नायट्रेट + तेल + डेटोनेटर या कॉम्बिनेशनकडे वळला आहे. फॉरेन्सिक टीम्सने काल रात्री घटनास्थळावरून नमुने घेतले असून, त्यांच्या रिपोर्टनंतरच नेमका कोणता स्फोटक पदार्थ वापरण्यात आला होता हे स्पष्ट होईल. तज्ज्ञांच्या मते, अमोनियम नायट्रेटमध्ये तेल आणि डेटोनेटर मिसळल्यास मोठा स्फोट होऊ शकतो.
जरी इलेक्ट्रिक डेटोनेटरचा वापर असू शकतो, तरी घटनास्थळी अशा कोणत्याही इलेक्ट्रिक डिव्हाइसचे अवशेष सापडले नाहीत, त्यामुळे मॅन्युअल किंवा नॉन-इलेक्ट्रिक डेटोनेटरचा वापर झाल्याची शक्यता वर्तवली जात आहे.

लाल किल्ला स्फोटात अमोनियम नायट्रेट, तेल आणि डेटोनेटर वापरल्याची शक्यता वर्तवण्यात येत आहे. या तीव्र धमाक्यामुळे तपास यंत्रणांनी आता अमोनियम नायट्रेटसोबत तेल (इंधन) आणि डेटोनेटरच्या वापराची शक्यता तपासायला सुरुवात केली आहे. मात्र, फॉरेन्सिक तपासणी अहवाल आल्यानंतरच या थिअरीची खात्री होईल. एजन्सींना घटनास्थळी मागील स्फोटांप्रमाणे ठोस पुरावे मिळाले नाहीत. त्यामुळे आता तपासाचा केंद्रबिंदू अमोनियम नायट्रेट + तेल + डेटोनेटर या कॉम्बिनेशनकडे वळला आहे. फॉरेन्सिक टीम्सने काल रात्री घटनास्थळावरून नमुने घेतले असून, त्यांच्या रिपोर्टनंतरच नेमका कोणता स्फोटक पदार्थ वापरण्यात आला होता हे स्पष्ट होईल. तज्ज्ञांच्या मते, अमोनियम नायट्रेटमध्ये तेल आणि डेटोनेटर मिसळल्यास मोठा स्फोट होऊ शकतो.
जरी इलेक्ट्रिक डेटोनेटरचा वापर असू शकतो, तरी घटनास्थळी अशा कोणत्याही इलेक्ट्रिक डिव्हाइसचे अवशेष सापडले नाहीत, त्यामुळे मॅन्युअल किंवा नॉन-इलेक्ट्रिक डेटोनेटरचा वापर झाल्याची शक्यता वर्तवली जात आहे.

दिल्ली स्फोटात वापरलेल्या कारचा नवा फोटो समोर आलाय.  पार्किंगमध्ये जात असताना ही कार सीसीटीव्हीत कैद झालीय. कार ड्रायव्हर सीसीटीव्हीत कैद झालाय. याच i20कारमध्येच स्फोट झाला होता. दिल्ली स्फोटानंतर आज केंद्रीय गृहमंत्रालयाची महत्वाची बैठक आयोजित करण्यात आलीय. सकाळी साडे नऊ वाजता अमित शाहांच्या अध्यक्षतेखाली ही महत्वाची बैठक होणार आहे. या बैठकीत सुरक्षा दलाचे प्रमुख सहभागी होणार आहेत. काल अमित शाहांनी घटनास्थळावर जाऊन आढावा घेतला होता. या स्फोटाची प्रत्येक अँगलनं तपासणी होणार असल्याचं शाहांनी सांगितलं.

दिल्ली स्फोटाच्या पार्श्वभूमीवर राज्यात हायअलर्ट… महत्वाच्या ठिकाणी सुरक्षेत वाढ… तर संशयास्पद वाहनांची कसून तपासणी सुरू…

गृहमंत्री अमित शाहांनी दिल्ली ब्लास्टच्या ठिकाणी जाऊन घेतला आढावा… उपस्थित पोलिस कमिश्नरांनी आतापर्यंतच्या तपासाबद्दल दिली माहिती… तर शाहांनी सकाळी 9.30 वाजता बोलावली अधिकाऱ्यांची महत्त्वाची बैठक…

गृहमंत्री अमित शाहांकडून दिल्ली ब्लास्टच्या चौकशीचे आदेश… दिल्ली पोलीस कमिश्नरसह इतर अधिकाऱ्यांकडून घेतली माहिती…

दिल्ली ब्लास्टचा गुन्हा UAPA च्या आधारे होणार दाखल … सूत्रांची माहिती… NIA लाही तपास सोपवला जाण्याची शक्यता… कार पार्किंगमध्ये लावणाऱ्या व्यक्तीचा शोध सुरू…

बॉम्ब स्फोटातील कारचं पुलवामा कनेक्शन समोर… शेवटच्या वेळी पुलवामाच्या एका व्यक्तीला विकण्यात आली होती i20 कार… गुरुग्राममधील सलमानच्या नावे कारचं रजिस्ट्रेशन…