नेमकं काय घडलं?
दिल्लीच्या इंदिरा गांधी आंतरराष्ट्रीय विमानतळावरून हे विमान गोव्याच्या मनोहर आंतरराष्ट्रीय विमानतळासाठी नियोजित वेळेनुसार रात्री 9:42 मिनिटांनी पोहोचणार होतं. मात्र, विमानाच्या उड्डाणादरम्यान एका इंजिनमध्ये बिघाड झाल्याचं लक्षात आलं. पायलटने रात्री 9:25 मिनिटांनी 'पॅन-पॅन-पॅन' कॉल दिला. हा एक प्रकारचा इमरजन्सी संदेश असतो.
विमान Takeoff होण्यापूर्वी इंजिनमध्ये फेकतात कोंबड्या, एअरलाइनचा ‘भयानक’ प्रयोग, कारण वाचून व्हाल शॉक
advertisement
त्यानंतर विमान मुंबईच्या छत्रपती शिवाजी महाराज आंतरराष्ट्रीय विमानतळावर रात्री 9:52 वाजता सुरक्षितरित्या उतरवण्यात आलं. एअरबस A320 निओ सारख्या विमानांमध्ये दोन इंजिन्स असतात आणि हे विमान एका इंजिनवरही सुरक्षित उड्डाण आणि लँडिंग करू शकतं. याच तांत्रिक क्षमतेमुळे पायलटने प्रसंगावधान राखून योग्य निर्णय घेतला आणि मोठी दुर्घटना टळली.
पॅन आणि मेडे यामधला फरक काय?
अनेकांना वाटतं की आपत्कालीन परिस्थितीत फक्त मेडे कॉलच दिला जातो, याचा अर्थ असा की काहीच हातात नाही, कोणतीही दुर्घटना होऊ शकते. तर पॅन पॅन पॅन ही एक वेगळी आणि कमी तीव्रतेचा इमरजन्सी कॉल आहे. याचा अर्थ असा की परिस्थिती बिकट आहे आम्हाला मदत करा मात्र कोणतीही जीवितहानी होण्याचा धोका कमी असतो. उदा. इंजिनमध्ये तांत्रिक बिघाड, वैद्यकीय अडचण किंवा इतर अशा गोष्टींसाठी पॅन कॉल दिला जातो. दुसरीकडे, मेडे ही कॉल अत्यंत गंभीर आणि जीवघेण्या परिस्थितीत दिली जाते. जसे दोन्ही इंजिन फेल होणे, विमानाला आग लागणे किंवा तात्काळ लँडिंगची गरज भासणे. ‘मेडे’ ही कॉल सर्वोच्च पातळीची इमरजन्सी असते.
Airplane Fact : किती असते Pilot ची सॅलरी? फक्त रक्कम नाही त्याचे धोके ही समजून घ्या
इंडिगोचं काय म्हणणं आहे?
इंडिगो एअरलाईन्सने म्हटलं आहे की तांत्रिक बिघाडामुळे विमान डायव्हर्ट करण्यात आलं आणि सर्व सुरक्षा प्रक्रियेचं पालन करत ते मुंबईत उतरवण्यात आलं. पुढील उड्डाणापूर्वी या विमानाची तपासणी आणि देखभाल केली जाईल. पायलटच्या सतर्कतेमुळे प्रवाशांचा जीव वाचला आहे. तर इंडिगोकडून विमानाची पुन्हा तपासणी केली जाणार आहे. सर्व प्रवाशी सुखरुप असल्याची माहिती मिळाली आहे.