इंडियन एक्सप्रेसने दिलेल्या वृत्तानुसार, जगदीप धनखड हे दिल्लीत त्यांना मिळालेल्या सरकारी निवासस्थानी आरामदायी जीवन जगत आहेत. १५ एकरांवर पसरलेल्या या उच्च सुरक्षा असलेल्या निवासस्थानी धनखड सकाळी योगा करतात आणि संध्याकाळी टेबल टेनिस खेळतात. त्यांच्या कन्या कामना वाजपेयी जवळजवळ दररोज गुरुग्रामहून त्यांना भेटायला येतात.
व्यवसायाने वकील असलेले धनखर हे सध्या राजकारण आणि न्यायालयीन प्रकरणांवर आधारित वेब सीरीज पाहण्यात वेळ घालवत आहेत. ते आजकाल ओटीटीवर 'द लिंकन लॉयर' आणि 'हाऊस ऑफ कार्ड्स' मालिका पाहत असल्याची माहिती समोर आली आहे.
advertisement
सरकारी वाहनं वापरणं केलं बंद
वृत्तपत्रानुसार, धनखड यांची पत्नी सुदेश धनखड यांनी गेल्या एका महिन्यात किमान तीन वेळा राजस्थानला भेट दिली. यापैकी दोनदा त्या रस्त्याने जयपूरला गेल्या, जिथे तिच्या कुटुंबाच्या जमिनीवर दोन व्यावसायिक संकुलांचे बांधकाम सुरू आहे. याच कामाची पाहणी करण्यासाठी त्या राजस्थानला गेल्या.
सुदेश यांनी या भेटींमध्ये सरकारी वाहने वापरली नाहीत आणि अलीकडेच खरेदी केलेल्या कुटुंबाच्या कारमधून त्यांनी प्रवास केला. स्थानिकांच्या मते, यापूर्वी या भेटींमध्ये एक मोठा ताफा येत असे, परंतु धनखड यांच्या राजीनाम्यानंतर वाहनांची संख्या बरीच कमी झाली आहे.
धनखड यांनी राजीनामा दिल्यानंतर, या दाम्पत्याने लगेचच सामान बांधायला सुरुवात केली. सध्या ते सरकार त्यांना नवीन घर अलॉट करण्याची वाट पाहत आहेत. एकदा त्यांना बंगला मिळाला की, त्यांना माजी उपराष्ट्रपतींना मिळणाऱ्या सर्व सुविधा मिळतील, ज्यामध्ये कार आणि सुरक्षा रक्षकांचा समावेश असेल.