TRENDING:
समोर आलेल्या वृत्तानुसार, मंगळवारी दुपारी वलसाडच्या पॉश परिसरातील तीथल रोडवरील सरदार हाइट्सच्या साबरमती इमारतीत ही घटना घडली. यादरम्यान, तांत्रिक बिघाडामुळे, इमारतीतील लिफ्ट अचानक वरच्या दिशेने सरकू लागली आणि त्या माणसाचा जीव धोक्यात आला कारण त्याचा एक पाय दरवाजाच्या बाहेर होता. सुदैवाने, या व्यक्तीचा जीव यात वाचला आहे.
थरारक सीसीटीव्ही
या घटनेच्या सीसीटीव्ही फुटेजमध्ये सकाळी 7.22 वाजता तो माणूस लिफ्टमध्ये प्रवेश करतो आणि नंतर लिफ्टचे बटण दाबतो. त्यानंतर तो लिफ्टच्या दाराजवळ उभा राहून वाट पाहत आहे. 7.23 वाजता, त्याच्या इच्छित मजल्यावर पोहोचताच, लिफ्टचा दरवाजा उघडतो आणि तो लगेच बाहेर पडण्यासाठी पाय पुढे करतो. पण, दरवाजा उघडल्यानंतर एका सेकंदापेक्षा कमी वेळात, लिफ्ट खूप वेगाने वरच्या दिशेने जाऊ लागते, त्या माणसाचे डोके वरच्या मजल्यावर आदळते ज्यामुळे तो जमिनीवर पडतो. त्यानंतर तीन सेकंदांनी लिफ्ट वरच्या मजल्यावर थांबते.
advertisement
वलसाडमधील तीथल रोडवरील मुख्यमंत्री गृहनिर्माण योजनेअंतर्गत बांधलेल्या सरदार हाइट्स इमारतीत ही घटना घडली. याबद्दल माहिती देताना सोसायटीच्या अध्यक्षांनी माध्यमांना सांगितले की, इमारतीत एकूण 14 मजले आहेत, ज्यासाठी एक हाय-टेक लिफ्ट बसवण्यात आली आहे. त्याची देखभाल ओमेगा कंपनी करते. दोन दिवसांपूर्वी ओमेगा कंपनीचे लोक या लिफ्टमधील लाईट आणि पंख्यांमधील समस्या दूर करण्यासाठी आले आणि ती दुरुस्त केली. आज अचानक झालेल्या तांत्रिक बिघाडामुळे हा अपघात झाला. त्यांनी सांगितले की, लिफ्टचा दरवाजा उघडा असतानाही लिफ्ट चालू लागली.