विद्यार्थ्यांच्या बॅगमध्ये धक्कादायक गोष्टी
टाईम्स ऑफ इंडियाच्या वृत्तानुसार, या बॅग तपासणी दरम्यान सापडलेल्या वस्तू चिंताजनक आहेत. एका मुख्याध्यापकाने असे म्हटले आहे की, 'हे आश्चर्यकारक आणि चिंताजनक आहे. मुलांच्या बॅगमध्ये पुस्तके आणि टिफीनशिवाय मोबाईल, टॅबलेट, लायटकर, सिगरेट, इलेक्ट्रॉनिक सिगरेट आणि पाण्याच्या बॉटलमध्ये दारू आढळली आहे.'
दुसऱ्या शाळेच्या मुख्याध्यापकांनी पुढे म्हटले की, 'आम्हाला व्हाइटनर, लिपस्टिक, काजळ, नेल फिलर, डिओडोरंट्स, गर्भनिरोधक गोळ्या, कंडोम आणि अगदी सुटे कपडे आणि शूज देखील सापडले.'
advertisement
याव्यतिरिक्त, अनेक शाळांनी केलेल्या तपासणीमध्ये मुलांच्या बॅगमध्ये ब्लेड, पेपर कटर आणि अगदी चेन देखील सापडल्या. एसडीए शाळेतील घटनेनंतर शालेय संस्थांनी शाळेत कात्री आणि राऊंडर आणण्यावर पूर्णपणे बंदी घातली आहे. जोपर्यंत पालकांना शाळेकडून या वस्तू पाठवण्याची लेखी सूचना मिळत नाही, तोपर्यंत या वस्तू पाठवू नयेत, असा सूचना शाळांनी केल्या आहेत.
काही शाळांमध्ये शिक्षकांना मुलांच्या बॅगेमध्ये पत्ते, रोमँटिक आणि अश्लिल कादंबऱ्या, महागडी पेनं, चमकदार दागिनेही सापडले. पालकांना पालक-शिक्षण बैठकीदरम्यान या गोष्टी सांगितल्या जातात, पण पालक मुलं ऐकत नसल्याची तक्रार करतात. काही पालक प्रौढ पुस्तके सापडल्यानंतरही आरामात असतात, या गोष्टींना ते वाढत्या वयाचा भाग मानतात, अशी प्रतिक्रिया शिक्षकांनी दिली आहे.
विद्यार्थ्यांच्या बॅगमध्ये इम्पोर्टेड एनर्जी ड्रिंक
काही विद्यार्थ्यांच्या वॉटर बॉटलमध्ये तर 1500 रुपये किंमतीचं इम्पोर्टेड एनर्जी ड्रिंक सापडलं आहे. गृहपाठ आणि प्रोजेक्ट पूर्ण करणे, वर्गात जागा मिळवणे, याच्या बदल्यात ही एनर्जी ड्रिंक दिली जातात, असंही शाळेच्या व्यवस्थापनाने कबूल केलं आहे.