धोक्याची घंटा! 2026 मध्ये 1 ते 9 मूलांकांवर 'या' महिन्यांत संकटांचं सावट, एक चूक अन् भोगावे लागतील परिणाम

2026 हे नवीन वर्ष अंकशास्त्राच्या दृष्टीने 'नंबर 1' चे वर्ष आहे. हे वर्ष सूर्याच्या प्रभावाखाली असल्याने नेतृत्व आणि नवीन ऊर्जेचे प्रतीक मानले जाते. मात्र, प्रत्येक मूलांकासाठी काही विशिष्ट महिने आव्हानात्मक ठरू शकतात. अंकशास्त्रानुसार, मूलांक 1 ते 9 साठी 2026 मध्ये नेमके कधी सावध राहायचे, आणि काय काळजी घ्यावी जाणून घेऊ.

मूलांक 1 (जन्मतारीख 1, 10, 19, 28): मूलांक 1 साठी हे वर्ष प्रगतीचे असले तरी ऑक्टोबर आणि नोव्हेंबर हे महिने मानसिक तणावाचे असू शकतात. अहंकारामुळे नात्यात दुरावा येण्याची शक्यता आहे. या काळात आरोग्याकडे, विशेषतः रक्तदाबाकडे दुर्लक्ष करू नका.

मूलांक 2 (जन्मतारीख 2, 11, 20, 29): मूलांक 2 च्या व्यक्तींसाठी फेब्रुवारी आणि जुलै महिने भावूक आणि अस्थिर असू शकतात. या काळात घेतलेले आर्थिक निर्णय चुकीचे ठरू शकतात. कोणावरही आंधळा विश्वास ठेवू नका, फसवणूक होण्याची शक्यता आहे.

मूलांक 3 (जन्मतारीख 3, 12, 21, 30): या मूलांकासाठी मे आणि सप्टेंबर महिने आव्हानात्मक राहतील. कामाच्या ठिकाणी सहकाऱ्यांशी मतभेद होऊ शकतात. या काळात खर्चावर नियंत्रण ठेवणे गरजेचे आहे, अन्यथा आर्थिक चणचण भासेल.

मूलांक 4 (जन्मतारीख 4, 13, 22, 31): मूलांक 4 साठी जून आणि ऑगस्ट महिने सावधानतेचे आहेत. अचानक उद्भवणाऱ्या समस्यांमुळे तुमचे नियोजन कोलमडू शकते. वाहन चालवताना आणि प्रवासात विशेष काळजी घ्यावी.

मूलांक 5 (जन्मतारीख 5, 14, 23): या व्यक्तींसाठी मार्च आणि डिसेंबर महिने थोडे कठीण जाऊ शकतात. बोलण्यावर ताबा ठेवा, अन्यथा तुमचे शब्द कोणाचे तरी मन दुखवू शकतात. नवीन गुंतवणूक करण्यासाठी हा काळ योग्य नाही.

मूलांक 6 (जन्मतारीख 6, 15, 24): मूलांक 6 साठी जानेवारी आणि ऑक्टोबर महिने आरोग्याच्या दृष्टीने संवेदनशील आहेत. कौटुंबिक वादामुळे मन अस्वस्थ राहील. या काळात प्रकृतीची अधिक काळजी घ्या.

मूलांक 7 (जन्मतारीख 7, 16, 25): मूलांक 7 साठी एप्रिल आणि ऑगस्ट महिने गोंधळाचे असू शकतात. चुकीचे निर्णय घेतल्यामुळे नशिबाची साथ कमी मिळेल. या काळात शांत राहून विचारपूर्वक पावले उचला.

मूलांक 8 (जन्मतारीख 8, 17, 26): शनीचा अंमल असलेल्या मूलांक 8 साठी मे आणि नोव्हेंबर महिने अधिक कष्टाचे राहतील. शनीची साडेसाती किंवा ढैय्या असल्यास अधिक सावधानता बाळगा. या काळात कायदेशीर कटकटींपासून लांब राहा.

मूलांक 9 (जन्मतारीख 9, 18, 27): मूलांक 9 साठी मार्च आणि सप्टेंबर महिने थोडे धोक्याचे असू शकतात. अग्नी आणि शस्त्रांपासून सावध राहा. राग आणि घाई यामुळे मोठे नुकसान होऊ शकते. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)