Astrology: 2 एप्रिलपर्यंत नो टेन्शन! मंगळ शनिच्या राशीत येतोय? या राशींना आर्थिक लाभाचे उत्तम योग

मेष - मंगळ तुमच्या 11 व्या स्थानी प्रवेश करत आहे, ज्याचा संबंध उत्पन्न आणि इच्छापूर्तीशी असतो. या काळामुळे तुम्हाला आणि तुमच्या पालकांना चांगला आर्थिक फायदा होऊ शकतो. व्यापारी आणि विशेषतः पशुपालन करणाऱ्या लोकांसाठी हा काळ फायदेशीर आहे. तुमची अध्यात्मावरची श्रद्धा वाढेल आणि कायदेशीर कामात तुमचं साहस दिसून येईल. मंगळाचे शुभ फळ टिकवून ठेवण्यासाठी 2 एप्रिलपर्यंत शक्य असल्यास कुत्र्याला भाकरी अथवा पोळी खाऊ घाला.

वृषभ - मंगळ तुमच्या 10 व्या स्थानी म्हणजे करिअर आणि वडिलांच्या स्थानी येत आहे. तुमच्या मेहनतीचं चीज होईल आणि नोकरी व्यवसायात यश मिळेल. तुमची मालमत्ता वाढण्याचे योग आहेत आणि कौटुंबिक आयुष्य सुखाचे राहील. मात्र, घरातील सोन्याची काळजी घ्या, ते सुरक्षित ठिकाणी ठेवा. शुभ फळ मिळण्यासाठी 2 एप्रिलपर्यंत जेव्हा संधी मिळेल तेव्हा एखाद्या गरजू व्यक्तीला मदत करा.

सिंह - मंगळ तुमच्या 7 व्या स्थानी म्हणजे जोडीदाराच्या स्थानी येत आहे. तुमची गणितातली आवड वाढेल आणि धार्मिक कामात मन रमेल. जोडीदाराच्या प्रगतीकडे आणि आरोग्याकडे लक्ष द्या, कारण तुम्ही सुद्धा 2 एप्रिलपर्यंत तात्पुरते मांगलिक असाल. जर जोडीदाराच्या पत्रिकेत मंगळ 1, 4, 7, 8 किंवा 12 व्या स्थानी असेल, तर अधिक काळजी घेणं गरजेचं आहे. मांगलिक प्रभाव कमी करण्यासाठी आपल्या आत्याला किंवा बहिणीला लाल रंगाचे कपडे भेट द्या आणि त्यांचा आशीर्वाद घ्या.

तूळ - मंगळ तुमच्या 5 व्या स्थानी म्हणजे बुद्धी आणि संततीच्या स्थानी प्रवेश करत आहे. तुम्हाला सर्व बाजूंनी लाभ मिळेल. करिअरला चांगली दिशा मिळेल आणि गुरूंनी दिलेल्या ज्ञानाचा फायदा होईल. स्वतःच्या बुद्धीच्या जोरावर तुम्ही कठीण गोष्टी साध्य कराल आणि अपत्याचे सुख लाभेल. मंगळाचे शुभ फळ मिळवण्यासाठी 2 एप्रिलपर्यंत रोज सकाळी उठल्यावर घरातल्या थोरामोठ्यांचा आशीर्वाद घ्या.

मकर - मंगळ तुमच्या 2 या स्थानी म्हणजेच धन आणि स्वभावाच्या स्थानी येत आहे. आर्थिक लाभ होण्याचे उत्तम योग आहेत. 2 एप्रिलपर्यंत धनधान्याची कमतरता भासणार नाही. सासरकडूनही मदत मिळेल. औषधं, यंत्रसामग्री किंवा गुप्तहेर खात्याशी संबंधित कामात असलेल्यांना विशेष फायदा होईल. अशुभ फळांपासून वाचण्यासाठी धार्मिक कामात मदत करत राहा आणि भावांना हवी ती मदत करा.(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)