Astrology 2026: दिनांक 17 फेब्रुवारीची संध्याकाळ घात करणार? राशीचक्रातील 3 राशीच्या लोकांवर वाईट वेळ

प्रसिद्ध ज्योतिषी पंडित हितेंद्र कुमार शर्मा यांच्या मते, यावेळचे ग्रहण कुंभ राशीत होत असून तिथे आधीच राहुचे वास्तव्य आहे. सूर्य आणि राहुच्या या एकत्र येण्यामुळे निर्माण होणारा ग्रहण योग माणसाच्या विचारांत गोंधळ, मानसिक अस्वस्थता आणि आरोग्याच्या तक्रारी निर्माण करू शकतो.

या विशेष योगामुळे तीन राशींच्या व्यक्तींना आपल्या आयुष्यातील प्रत्येक निर्णयात विशेष सावधानता बाळगावी लागणार आहे. 17 फेब्रुवारी रोजी संध्याकाळी 05:31 वाजता या ग्रहणाला सुरुवात होईल. ज्योतिषीय गणितांनुसार, सूर्य आणि राहुची ही युती आत्मविश्वास कमी करणारी आणि कामात अडथळे आणणारी ठरू शकते. विशेषतः कुंभ रास ही लाभाची मानली जाते, परंतु ग्रहणाच्या वेळी कर्क लग्न उदय होत असल्याने कुंभ रास आठव्या स्थानी जाते, ते स्थान अचानक येणारी संकटे आणि मानसिक तणावाचे निदर्शक मानले जाते.

कर्क राशीच्या लोकांसाठी हे ग्रहण आठव्या स्थानी होत आहे. यामुळे आरोग्याच्या तक्रारी, विशेषतः रक्तदाब किंवा हृदयाशी संबंधित समस्या जाणवू शकतात. विनाकारण चिंता वाढल्याने कामात मन लागणार नाही. ऑफिसमध्ये राजकारण किंवा कामात विलंब झाल्यामुळे मनस्ताप होऊ शकतो, तसेच अचानक खर्चही वाढू शकतात.

कन्या राशीच्या लोकांसाठी हा काळ बुद्धीवर ताण देणारा ठरेल. सरकारी कामात किंवा कायदेशीर बाबींमध्ये अडथळे येऊ शकतात. विरोधक त्रास देण्याची शक्यता आहे, त्यामुळे सावध राहा. कोणताही मोठा निर्णय घेताना घाई करू नका, कारण चुकीचा निर्णय आर्थिक नुकसानीला कारणीभूत ठरू शकतो. कागदपत्रे नीट तपासा.

मीन राशीच्या लोकांसाठी हे ग्रहण बाराव्या स्थानी होत आहे. यामुळे उत्पन्नापेक्षा खर्च जास्त होण्याची शक्यता आहे, ज्याचा परिणाम बजेटवर होईल. मानसिक अस्वस्थतेमुळे झोप कमी लागेल आणि नात्यांमध्ये गैरसमज निर्माण होऊ शकतात. आधीच शनीची साडेसाती सुरू असल्याने या काळात स्वतःवर जास्त ताण घेऊ नका.(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)