Rakshabandhan 2025: रक्षाबंधनला शक्तिशाली योग जुळणार, या राशींच्या भावा-बहिणींना धनलाभ, गुडन्‍यूज

वैदिक ज्योतिषशास्त्रानुसार, श्रावण महिन्यात महत्त्वाचे ग्रह संक्रमण होत आहेत. १३ जुलै रोजी शनि वक्री होईल. त्यानंतर सूर्य संक्रमण करेल. २८ जुलै रोजी मंगळ संक्रमण करेल आणि कन्या राशीत प्रवेश करेल.

नवपंचम योग - ज्योतिषशास्त्रानुसार, ९ ऑगस्ट रोजी मंगळ आणि युरेनस एकमेकांपासून १२० अंशांवर असतील, ज्यामुळे नवपंचम राजयोग तयार होईल. यासोबतच मंगळ आणि शनि एकमेकांपासून १८० अंशांवर असतील ज्यामुळे प्रतियुती होत आहे. हा शक्तिशाली योग सर्व १२ राशींवर परिणाम करेल. ४ राशींच्या लोकांना यामुळे प्रत्येक क्षेत्रात यश मिळवण्याची संधी मिळेल. जाणून घेऊया या कोणत्या भाग्यशाली राशी आहेत.

मेष - या राशीच्या लोकांसाठी शनि, युरेनस आणि मंगळाची स्थिती त्रासातूनमुक्त करू शकते. अनावश्यक खर्च होणार नसल्यानं मोठा दिलासा मिळेल. आरोग्य सुधारेल. कुटुंबात काही कलह असल्यास ते या रक्षाबंधनपासून दूर होतील.

वृषभ - जुळून येत असलेल्या या योगांमुळे तुमच्या जीवनात सकारात्मक काळ सुरू होईल, एकामागून एक प्रगतीच्या संधी मिळतील. काही मोठ्या इच्छा पूर्ण होऊ शकतात. अविवाहित लोकांचे लग्न निश्चित होऊ शकते. आर्थिक लाभ होतील. घरातील काही महत्त्वाचे काम पूर्ण झाल्याने तुम्ही आनंदी व्हाल.

मिथुन - मिथुन राशीच्या लोकांना यंदाच्या रक्षाबंधनला काही चांगली बातमी मिळू शकते. कामाच्या ठिकाणी जबरदस्त चांगले बदल होऊ शकतात. डोक्यावरील जुने कर्ज उतरेल, आजारपण खटले यातून दिलास मिळेल. नवीन नोकरीची ऑफर येऊ शकते.

मीन - मीन राशीच्या लोकांना शनीच्या साडेसातीच्या दुष्परिणामांपासून थोडीशी सुटका मिळेल. तुम्हाला तुमच्या मेहनतीचे फळ मिळेल. करिअरमध्ये प्रगतीची शक्यता वाढताना दिसत आहे. तुम्ही काही महत्त्वाचे निर्णय घेऊ शकाल. तुमच्या व्यक्तिमत्त्वात दृढता येईल. तुमचा कामातील आत्मविश्वास वाढेल.(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)