10 लाखांची कार विकल्यावर डिलरला किती कमाई होते? समजून घ्या पूर्ण गणित

ज्यावेळी आपण साहित्य खरेदी करतो, तेव्हा त्याच्या किंमतीत दुकानदारचा प्रॉफिटही जोडलेला असतो. अगदी त्याच प्रमाणे कार खरेदी करतानाही हाच नियम लागू होतो.

ग्राहकांना अनेकदा प्रश्न पडतो की कारची किंमत इतकी जास्त का असते, परंतु एक्स-शोरूम किंमत आणि ऑन-रोड किंमत यातील फरक डीलरचा महसूल आणि इतर खर्च दर्शवतो. याच फरकात डीलरची मार्जिंन लपलेली असते.

डीलरला एकूणच चांगला फायदा होतो : ऑटो इंडस्ट्रीशी संबंधित रिपोर्ट्सनुसार, भारतात कार डीलर्सला एक कार विकल्यावर खुप जास्त फायदा मिळत नाही. FADA (फेडरेशन ऑफ ऑटोमोबाइल डीलर्स एसोसिएशन)च्या एका सर्व्हेनुसार, कार डीलर्सला सरासरी 2.9 टक्के ते 7.5 टक्केपर्यंत मार्जिन मिळते. म्हणजेच एखादी कार जास्त संख्येत विकली तेव्हाच डीलरला एकूण चांगला नफा होतो.

थेट उत्पन्न सुमारे 50,000 रुपये असेल : आता, आपण 10 लाख रुपये एक्स-शोरूम किंमत असलेल्या कारचे उदाहरण घेतले आणि असे गृहीत धरले की डीलरला 5 टक्के मार्जिन मिळते, तर प्रति कार थेट उत्पन्न सुमारे 50,000 रुपये असेल. तसंच, ही रक्कम पूर्ण नफा नाही.

डीलरला या पैशातून विविध खर्च भागवावे लागतात, जसे की त्याच्या शोरूम कर्मचाऱ्यांचे पगार, वीज आणि पाण्याचे शुल्क, शोरूम भाडे, वाहन सर्व्हिसिंग आणि जाहिराती.

डीलरला कमिशन मिळते : शिवाय, डीलरची कमाई कारच्या किमतीपुरती मर्यादित नाही. जेव्हा ग्राहक ऑन-रोड किंमत देतो तेव्हा अनेक अतिरिक्त बाबींचा समावेश असतो, जसे की विमा, ज्यावर डीलर कमिशन मिळवतो, अॅक्सेसरीज, एक्सटेंडेड वॉरंटी, फास्टॅग आणि कधीकधी लोन प्रोसेसिंग देखील. या सर्व गोष्टी डीलरला वेगवेगळ्या पातळ्यांवर अतिरिक्त महसूल निर्माण करतात.

डीलर मार्जिंन 5% हून जास्त असू शकते : कार कंपन्या आपल्या डीलर्सला दुसऱ्यांच्या तुलनेत जास्त मार्जिन देते. रिपोर्ट्सनुसार, मारुती सुझुकी आणि एमजी मोटर्ससारखे ब्रांड्समध्ये अनेकदा डीलर मार्जिन 5% पेक्षा जास्त असू शकते.

खरंतर हे मॉडल, शहर आणि मागणावरही अवलंबून आहे. यामुळे जेव्हा तुम्ही नवी कार खरेदी करता. तेव्हा फक्त गाडीच खरेदी करत नाही तर त्याच्या किंमतींमध्ये लपलेले डीलरचा खर्च आणि कमाईचा भागही तुम्ही त्यांना दिलेला असतो. यामुळेच ग्राहकांनी ऑन-रोड प्राइजची पूर्ण माहिती समजूनच निर्णय घ्यायला हवा.