Tata Sierra: ती आली, तिने पाहिलं आणि जिंकलं! टाटाची किंग SUV अखेर आली समोर, पहिली झलक PHOTOS

९० च्या दशकामध्ये मार्केटमध्ये एकमेव अशी एसयूव्ही होती, ती घेण्यासाठी चांगलीच भाऊ गर्दी होती. दोन डोअर असलेली ही एसयूव्ही त्या काळात भारताच्या रस्त्यावर एकहाती सत्ता गाजवत होती. पण, काळाच्या ओघात ही नाहीशी झाली. पण, आता २० वर्षांनंतर टाटा मोटर्सने तिला परत आणण्याचं ठरवलं आणि अखेरीस आज तिची पहिली झलक दाखवली आहे. ही एसयूव्ही आहे Tata Sierra

मागील अनेक वर्षांपासून चर्चेत असलेली आयकॉनिक टाटा सियारा अखेरीस लोकांच्या समोर आणली आहे. टाटा मोटर्सने मुंबईत टाटा सियाराचा डिबेट शो आयोजित केला होता. यामध्ये फक्त टाटा सियाराची झलक दाखवण्यात आली होती. आजपर्यंत पहिल्यांदाच लाँचच्या आधीच कोणत्या तरी कंपनीने कारची अशा प्रकारे झलक दाखवली आहे. आता २५ नोव्हेंबरला फक्त अधिकृतरित्या लाँच होण्याची औपचारिकता बाकी राहिली आहे.

Tata Sierra आतापर्यंत फक्त फोटोमध्ये पाहण्यास मिळाली. पण आता पहिल्यांदाच लोकांनी Tata Sierra ला जवळून पाहिलं, आतमध्ये बसून पाहिलं. Tata Sierra जशी फोटोमध्ये होती तशी प्रत्यक्षात जास्त सुंदर आणि मजबूत आणि दमदार निघाली.

विशेष म्हणजे, टाटाने आपल्या जुन्या सियाराची झलक नव्या Tata Sierra मध्ये दिली आहे. तिच्या सारखाचा बॉक्सी लूक दिला आहे. पण तो आताच्या काळात मार्केटमध्ये असलेल्या गाड्यांपेक्षा किती तरी पटीने चांगला आहे.

Tata Sierra चे हेडलॅम्प्स हे वर्टिकल LED हेडलॅम्प्स आणि बूटवर फुल-विड्थ LED लाइटबार जोडून तिला एक फ्यूचरिस्टिक लूक दिला गेला आहे.

Tata Sierra मध्ये १९-इंच अलॉय व्हील्स, फ्लश डोअर हँडल्स आणि मागच्या बाजूला रॅपअराऊंड काचेची विंडो दिली आहे Tata Sierra ला वेगळा लूक देतेय.

Tata Sierra मध्ये 1.5 लिटर टर्बो–पेट्रोल इंजिन दिलं आहे. जे 170hp आणि 280 Nm चा टॉर्क जनरेट करेल. या शिवाय 2.0-लिटर डिझेल इंजिनचा पर्याय सुद्धा आहे. Sierra मध्ये 6 मॅन्युअल आणि ऑटोमॅटिक गियरबॉक्सचा पर्याय मिळणार आहे.

Tata Sierra मध्ये प्रीमियम साउंड सिस्टम, पॅनोरामिक सनरूफ, वायरलेस फोन चार्जर, Android ऑटो, Apple कार प्ले हेआणि व्हेंटिलेटेड फ्रंट सीट्स दिले आहे.

या शिवाय SUV AWD (ऑल–व्हील ड्राइव्ह) टेक्नॉलजी सुद्धा दिली जाणार आहे. एवढंच नाहीतर 6 एअरबॅग्स, अँटी लॉक ब्रेकिंग सिस्टम, 360 डिग्री कॅमेरा, इलेक्ट्रॉनिक स्टेबिलिटी कंट्रोल (ESC), आणि Level 2 ADAS सारखे फिचर्स दिले आहे.

एवढंच नाहीतर Sierra चं EV, पेट्रोल आणि डिझेल मॉडेल सुद्धा लाँच होणार आहे. सध्या फक्त Sierra ची फक्त झलक दाखवली आहे. किंमत किती असेल हे मात्र अजून गुलदस्त्यात आहे.