IAS Story : बॉयफ्रेंडबरोबर पेपरात छापला फोटो; UPSCमध्ये झाली नापास, आता IAS बनून सांगितला किस्सा

IAS चांदनी चंद्रन त्रिपुरा येथील खोवाई येथे DM पदावर कार्यरत आहे. तिनं सोशल मीडियावर तिची लव्ह स्टोरी शेअर केली आहे. तिची लव्हस्टोरी वाचल्यानंतर मॅनिफेस्टेशनवर तुमचा खोलवर विश्वास बसेल.

चांदनी चंद्रन ही 2017च्या बॅचची IAS ऑफिसर आहे. UPSCच्या पहिल्या परिक्षेत चांदनी नापास झाली होती. 10 मे 2016 रोजी तिचा UPSCचा रिझल्ट लागला आणि तिला कळलं ती नापास झाली आहे. तिला त्या गोष्टीचा ताण आला. ती तिचा बॉयफ्रेंड अरुण सुदर्शनबरोबर फिरायला गेली. तेव्हा पावसाचे दिवस होते. दोघेही एका छत्रीत भिजू नये म्हणून प्रयत्न करत होते.

त्याचवेळी एका फोटोग्राफने त्यांचा एक फोटो क्लिक केला आणि दुसऱ्या दिवशी त्यांचा फोटो एका वृत्तपत्रात छापून आला. दोघांच्या मित्रांच्या मार्फत तो फोटो त्यांच्यापर्यंत पोहोचला. चांदनीचा बॉयफ्रेंड अरुणने रागानं त्या मीडिया हाऊसकडे तक्रार केली. पण त्या फोटोमुळे UPSC फोटोमध्ये नापास झालेल्या चांदणीला नवी उमेद मिळाली होती. कारण तिचा फोटो त्या वर्षीच्या UPSC टॉपर्सबरोबर छापून आला होता. तिला त्यामुळे विश्वास मिळाला की आज ना उद्या आपणही नक्कीच IAS अधिकारी होऊ.

त्या प्रसंगानंतर चांदनीला हा विश्वास होता की काही तरी घडेल आणि आपण आपल्याला हवं आहे ते नक्कीच मिळवू. तिनं जोमानं अभ्यास केला आणि 2016च्या UPSC परिक्षेत तिला यश मिळालं. चांदनी IAS ऑफिसर झाली. पुढे चांदनीआणि अरुण यांनी लग्न केलं. लग्नानंतर अरूणनं त्या फोटोग्राफरकडून त्यांचे फोटो मागून घेतले आणि त्याचे आभारही मानले.