Ankita Walawalkar : बिग बॉसच्या घरात अंकिता वालावलकर पुन्हा रडली, आता 'कोकण हार्टेड गर्ल'ला झालं तरी काय?

बिग बॉस मराठीच्या घरातील चौथा आठवडा सुरू झाला. चौथ्या आठवड्याच्या सुरुवातीला घरात राडा आणि रडारडी पाहायला मिळणार आहे.

कोकण हार्टेड गर्ल अंकिता वालावलकर हिला पुन्हा एकदा अश्रू अनावर झाले आहेत. अंकिता घरात पुन्हा एकदा ढसाढसा रडाताना दिसली.

बिग बॉसच्या घरात सगळेच आपला कम्फर्ट झोन शोधण्याचा प्रयत्न करत आहेत. अनेकजण एकमेकांचे चांगले मित्र मैत्रिणी देखील झाले आहेत.

असं असताना अंकिता मात्र मला नात्यांची भिती वाटते असं म्हणताना दिसतेय. आजच्या भागात 'कोकण हार्टेड गर्ल' अंकिताचे डोळे पुन्हा पाणावलेले पाहायला मिळणार आहेत.

आजच्या भागात घरातील टीम B मधील सदस्य एकमेकांना समजावताना दिसणार आहेत. अंकिता डीपी दादासमोर खूप इमोशनल झाल्याचं पाहायला मिळणार आहे.

प्रोमोमध्ये पाहायला मिळतंय, डीपी दादा अंकिताला प्रेमाने भेळ भरवतो. तेव्हा अंकिता म्हणते,"मला नात्यांची भीती वाटते. नॉमिनेट करण्याचा टास्क दिला तर".

त्यावर डीपी दादा म्हणतो,"कर मला नॉमिनेट". यावर पॅडी दादा म्हणतो, "जास्त नाती लावू नका, त्रास होतो नंतर".