इतके OTT, कोणत्या ओटीटीचं सबस्क्रिप्शन घ्यायचं? तुम्हालाही पडलाय प्रश्न, हा आहे सगळ्यात बेस्ट

Netflix, Amazon Prime, Jio Hotstar, ZEE5, SonyLIV, MX Player आणि YouTube यासारखे अनेक पर्याय आहेत. काही ओटीटीवर काही कंटेट फ्रीमध्ये पाहता येतो, तर काहीसाठी सबस्क्रिप्शन लागतं. पण सगळ्यांच ओटीटींचं सबस्क्रिप्शन घेणं शक्य नाही. मग कोणत्या ओटीटीचं सबस्क्रिप्शन घ्यायचं? असा प्रश्न तुम्हालाही पडला आहे ना? सर्व OTT घेणं गरजेचं नाही, आपल्या गरजेनुसार स्मार्ट निवड करणं महत्त्वाचं आहे.

प्रत्येक OTT ची विशेषता वेगळी असते. फिल्म आणि वेबसीरिजसाठी Netflix, Amazon Prime, फॅमिली आणि लहान मुलांच्या मनोरंजनासाठी Jio Hotstar, ZEE5, क्रिकेट किंवा लाइव्ह स्पोर्ट्स: Jio Hotstar, SonyLIV, फ्री कंटेंटसाठी MX Player, YouTube. तुम्ही तुमच्या मनोरंजनाच्या आवडीनुसार प्लॅटफॉर्म निवडा.

दुसरं म्हणजे बजेटचा विचार करा. OTT सबस्क्रिप्शनचा खर्च महिन्याला 149 रुपये ते 1,499 रुपयांपर्यंत असतो. प्रत्येक ओटीटीचे वेगवेगळे सब्स्क्रिप्शन प्लॅन असतात. तुम्ही तुमच्या बजेटनुसार निवडा. जर तुम्ही OTT जास्त वापरत नसाल तर कमी बजेटचा प्लॅन किंवा फ्री पर्याय योग्य आहे.

OTT निवडताना काही गोष्टी तपासल्या पाहिजेत. एकाच अकाऊंटवर अनेक डिव्हाइस जोडता येतात का, मोबाइल, टीव्ही, लॅपटॉप? ऑफलाईन डाऊनलोड पर्याय आहे का म्हणजे प्रवासात किंवा इंटरनेट नसताना पाहता येईल. स्पोर्ट्स किंवा इव्हेंट्ससाठी लायव्ह स्ट्रीमिंग आहे का? कंटेट कसा अपडेट होतो, नवीन सीरीज किंवा फिल्म्स वेळेवर येतात का?

एकंदर काय तर OTT सबस्क्रिप्शन निवडताना तुम्हाला हवा असलेला कंटेंट, बजेट, डिव्हाइस वापर आणि वय यांचा विचार करा.