पतीचा अत्याचार, सेक्रेटरीही उचलायचा हात; बॉलिवूडच्या 'ट्रॅजेडी क्विन'चा भयानक शेवट!

अनेक अभिनेत्री अशा आहेत ज्यांना वैवाहिक जीवनात खूप त्रास सहन करावा लागला. करिअरमध्ये हिट असताना त्यांना घरगुती हिंसाचार आणि अत्याचाराचा सामना करावा लागला. अशाच एका अभिनेत्रीविषयी जाणून घेऊया जिला तिच्या पतीच्या सेक्रेटरीनेही मारलं.

ही सुपरस्टार अभिनेत्री आहे मीना कुमारी. मीना कुमारी, 'ट्रेजेडी क्वीन' म्हणून ओळखल्या जाणाऱ्या लोकप्रिय अभिनेत्री होत्या. त्यांचे वैयक्तिक आयुष्य अनेक दुःखांनी भरलेले होते. त्यांचे विवाह आणि प्रेमसंबंध नेहमीच वादग्रस्त ठरले. त्यांचे लग्न चित्रपट निर्माता कमाल अमरोही यांच्याशी झाले होते, पण हा संबंध फार काळ टिकला नाही आणि यात मीना कुमारी यांना खूप त्रास सहन करावा लागला.

कमाल अमरोही, जे त्यावेळी 34 वर्षांचे होते, विवाहित होते आणि त्यांना तीन मुले होती. तरीही, त्यांनी 18 वर्षांच्या मीना कुमारीसोबत 14 फेब्रुवारी 1952 रोजी गुप्तपणे 'निकाह' केला. यानंतर दोघेही आपापल्या घरी परतले आणि त्यांनी आपले लग्न कुटुंब आणि माध्यमांपासून लपवून ठेवले.

काही महिन्यांनंतर त्यांच्या लग्नाची बातमी लीक झाली आणि मीना कुमारीच्या वडिलांनी घटस्फोटाची मागणी केली. मात्र, मीना यांनी नकार दिला आणि त्या आपल्या पती कमाल यांच्यासोबत राहण्यासाठी वडिलांचे घर सोडून गेल्या.

लग्नाच्या सुरुवातीच्या काळात मीना कुमारी आणि कमाल अमरोही यांच्या संबंधात दुरावा येऊ लागला. शारीरिक हिंसाचाराच्या अफवाही पसरल्या होत्या. हळूहळू दोघांमध्ये अंतर वाढत गेले, ज्याचा मीना यांच्यावर खूप वाईट परिणाम झाला. त्यांना गंभीर नैराश्य आणि निद्रानाशेचा सामना करावा लागला.

कमाल अमरोही यांचा स्वभाव खूप कठोर आणि मालकी हक्काचा होता. ते मीना कुमारी यांच्यावर अनेक बंधने घालत असत. त्यांच्या परवानगीशिवाय मीना यांना कोणालाही भेटण्याची किंवा बोलण्याची मुभा नव्हती.

इतकेच नव्हे, तर कमाल यांचे सेक्रेटरी नवाजिश हे देखील मीना कुमारी यांच्याशी गैरवर्तन करत असत. काही ठिकाणी असेही उल्लेख आढळतात की, नवाजिश यांनी मीना कुमारी यांच्यावर हात उचलला होता.

मीना कुमारी यांच्या जीवनातील ही एक अत्यंत दुःखद बाजू आहे. एका यशस्वी अभिनेत्री असूनही, त्यांना वैयक्तिक आयुष्यात खूप वेदना आणि अपमान सहन करावे लागले. त्यांचे पती आणि त्यांच्या जवळच्या लोकांकडून त्यांना मानसिक आणि शारीरिक त्रास सहन करावा लागला. याच त्रासामुळे त्यांनी अधिक प्रमाणात मद्यपान सुरू केले, ज्यामुळे त्यांचे आरोग्य आणखी बिघडले आणि अखेरीस त्यांचे अकाली निधन झाले.