Dhurandhar 2 हिट, पण रणवीर सिंगच्या आयुष्यात वादळ; दीपिका पादुकोणसोबत बिनसलं?

रणवीर सिंगची धुरंधर 2 फिल्म चांगलीच हिट ठरली आहे. या फिल्मने कित्येक रेकॉर्ड मोडत इतिहास रचला आहे. जिथं तिथं सगळीकडे धुरंधर द रिव्हेंजची चर्चा आहे. पण रणवीर सिंगची पत्नी अभिनेत्री दिपिका पादुकोणकडून मात्र यावर एकही प्रतिक्रिया आली नाही आहे.

रणवीर सिंगच्या धुरंधर 2 चा बोलबोला असताना दिपिका पादुकोण याबाबत कुठेच व्यक्त होताना दिसली नाही आहे. ना तिने सोशल मीडिया पोस्ट केली, ना कोणत्या पोस्टवर कमेंट केली, ना ती सक्सेस पार्टीला होती.

नवरा रणवीरची फिल्म इतकी हिट होऊनही बायको दिपिकाने मौन का बाळगलं, ती शांत का बसली आहे? असा प्रश्न सगळ्यांना पडला आहे.

धुरंधर 2 किंवा रणवीरबाबत काहीच प्रतिक्रिया न दिल्याने, कुठेच काहीच भावना व्यक्त न केल्याने दीपिका ट्रोल झाली आहे. अशी पार्टनर कशाला हवी अशा कमेंट कित्येकांनी केल्या आहेत.

दरम्यान काही जण दिपिकाच्या पाठिशी उभे राहिले आहेत. पोस्ट नाही किंवा प्रतिक्रिया नाही म्हणजे सपोर्ट नाही असं नसतं. प्रत्येक वेळी रिएक्ट होणं गरजेचं नसतं, अशा कमेंटही काही जणांच्या आहेत.

दरम्यान रणवीरच्या धुरंधर 2 वर दिपिकाचं मौन म्हणजे या कपलमध्ये काहीतरी बिनसल्याचीही चर्चा होते आहे. अगदी त्यांच्या घटस्फोटापर्यंत लोक पोहोचले आहेत.

एका युझरने पोस्टवर कमेंट करताना धुरंधर 2 च्या यशामुळे त्यांचा घटस्फोटाला उशीर झाला आहे नाहीतर ते वेगळे झाले असतं, असं थेट म्हटलं आहे.