अग्नीचं फूल! गुलाबी साडीमध्ये सई ताम्हणकरचा कातिलाना अंदाज, खांद्यावरील टॅटू केला फ्लाँट

अभिनेत्री सई ताम्हणकर ही मराठी मनोरंजन विश्वातील अतिशय बोल्ड आणि ग्लॅमरस अभिनेत्री आहे. मात्र, तिने केवळ मराठीच नाही, तर हिंदी सिनेसृष्टीतही तिची वेगळी ओळख निर्माण केली आहे.

सईने आजवर अनेक चित्रपट आणि सीरिजमध्ये तिच्या अभिनयाची जादू दाखवून दिली आहे. नुकतंच तिची ''मानवत मर्डर्स'' ही सीरिज प्रेक्षकांच्या भेटीला आली. त्यातील सईच्या कामाचे सर्वांनीच खूप कौतुक केले आहे.

आता सई तिचा नवा चित्रपट प्रेक्षकांसाठी घेऊन येणार आहे. ''अग्नी''चा ट्रेलर नुकताच प्रदर्शित झाला आहे. ६ डिसेंबरला हा चित्रपट ॲमेझॉन प्राइमवर प्रदर्शित होणार आहे.

सईच्या 'अग्नी' या चित्रपटात तिच्यासोबत अभिनेता प्रतिक गांधी, दिव्येंदू शर्मा, जितेंद्र जोशी, सैयामी खेर, उदित अरोरा प्रमुख भूमिकेत पाहायला मिळणार आहेत.

अग्निशमन दलातील अधिकारी विठ्ठल आणि त्याचा तापट मेहुणा समित, मुंबईतल्या आगीच्या रहस्यमय घटनांचा उलगडा कसा करतात हे 'अग्नी' दाखवण्यात येणार आहे.

दरम्यान, या चित्रपटाच्या ट्रेलर लाँच कार्यक्रमासाठी तिने खास लूक केला होता. तिने गुलाबी रंगाची साडी नेसली होती. यावेळी ती अतिशय सुंदर दिसत होती.

तिचा हा लूक चाहत्यांना खूप आवडला आहे. तिने यावर मोत्याचे कानातले सोडता इतर कोणतेही दागिने घातले नव्हते. तरीही तिच्या सौंदर्यात कोणतीही कमतरता भासली नाही.