Whale Fish : 20 फूट लांब, 5 टन वजन; व्हेल माशाचं पिल्लू 30 तासांपासून गणपतीपुळ्याच्या किनाऱ्यावर; बचावकार्यात अडथळे

व्हेल माशाच पिल्लू अद्यापही गणपतीपुळे समुद्रकिनारी आहे. <a href="https://news18marathi.com/photogallery/photo-gallery/whale-fish-has-been-found-on-the-beach-of-ganpatipule-mhda-1077636.html">30 तासानहून अधिक वेळ उलटून गेलेला</a> आहे. दरम्यान या माशाला वाचवण्यासाठी आता शर्थीचे प्रयत्न सुरु आहेत.

कालपासून पर्यटक, <a href="https://news18marathi.com/maharashtra/kokan/">स्थानिक नागरिक</a>, एक्सपर्ट, एमटीडीसीचे अधिकारी, वनविभागाचे अधिकारी आणि जीव रक्षक यांच्या मदतीने या माशाला समुद्रामध्ये खेचण्याचा सध्या प्रयत्न केला जात आहे.

वीस फुटांहून अधिक लांब आणि पाच ते सहा टन इतका वजन या माशाचा आहे. दरम्यान ओहोटी असल्यामुळे सध्या रेस्क्यू ऑपरेशनला अडथळे येत आहेत.

सकाळी या माशाला काही प्रथमोपचार केले गेलेले आहेत. त्यानंतर आता एका मोठ्या जहाजाच्या मदतीने या माशाला खोल समुद्रामध्ये सोडले जाणार आहे.

माशाला तीन वेळा समुद्रामध्ये सोडण्याचा प्रयत्न झाला. पण त्यानंतर देखील हे वेल माशाचं पिल्लू पुन्हा एकदा समुद्रकिनारी येत आहे.