हातावरची चरबी वाढलीय? टेन्शन घेऊ नका, रोज फक्त 'हे' 3 व्यायाम करा; 3 दिवसात दिसेल फरक!

"बाहीवरची चरबी कशी कमी करायची", असा प्रश्न अनेकांना सतत पडतो. कारण वजन कमी केलं तरी हातावरची चरबी काही सहज जात नाही. पण यावर एक सोपा उपाय आहे, दररोज तीन विशिष्ट व्यायाम केल्यास, तुम्ही हाताची चरबी कमी करून टोन केलेले बाहू मिळवू शकता – तेही वजन कमी न करता! हे व्यायाम इतके सोपे आहेत की, घरात करता येतात. विशेष म्हणजे यासाठी तुम्हाला जिमलाही जाण्याची गरज नाही.

हाफ मून एक्सरसाईज : यामध्ये एक हात डोक्याच्या वर उचलायचा आहे. त्याचवेळी शरीर एका बाजूने वाकावायचं आहे. तसेच दुसरा हात जमिनीवर ठेवायचा आहे. या पोझमध्ये किमान 3 मिनिटं स्थिर राहायचं आहे.  हा व्यायाम करत असताना पाठीचा कणा किंवा कंबर अजिबात वाकवायची नाही. याचे 3 सेट करायचे.

डंबेल्स स्क्वॉट्स : दोन्ही हातात डंबेल्स घ्या, ते नसतील तर पाण्याने भरलेल्या 2 बाटल्या घ्या. सरळ उभे रहा. जसे आपण स्काॅट करतो, त्याच पोझिशनमध्ये रहा. 5 सेकंद त्या स्थितीत उभे रहा. या व्यायामाचे 3 सेट करा आणि लक्षात ठेवा, प्रत्येक सेटनंतर थोडा ब्रेक घ्या.

प्लँक विथ आर्म अँड लेग लिफ्ट : प्लँकच्या पोझिशनमध्ये या. डाव्या हाताला पुढे सरळ करा आणि उजवा पाय मागे ताणून धरा. हात आणि पाय पूर्णपणे सरळ आणि जमिनीपासून वर हवे. काही सेकंद तशी पोझिशनमध्ये रहा. त्यानंतर दुसऱ्या बाजूला तशीच पोझिशन घ्या, म्हणजेच उजवा हात आणि डाव्या पायाचा व्यायाम करा. हा व्यायाम एकूण 1 मिनिट आलटून-पालटून करा.

हे 3 प्रकारचे व्यायाम सलग 3 दिवस केले की, तुमच्या लक्षात येईल की, दंडावरची चरबी कमी होताना दिसतेय. हे सोपे व्यायाम इतके फायदेशीर आहेत की, यात वजन कमी करू शकता. त्याचबरोबर मसल्सची ताकद वाढू शकते, चरबीही वितळू शकते आणि शरीरही आकर्षक दिसू लागतं.