Home Remedy : टॉन्सिल सुजल्यामुळे घसा दुखतोय? 6 घरगुती उपाय करा, तासाभरात मिळेल आराम!

वातावरण बदलल्यामुळे टॉन्सिलची समस्या अगदी सामान्य आहे. पण जेव्हा ती जुनाट बनते तेव्हा शस्त्रक्रिया हा एकच उपचार उरतो. शस्त्रक्रियेसाठी परिस्थिती निर्माण होण्याआधी जर तुम्ही योग्य ती काळजी घेतली आणि काही घरगुती उपायांच्या मदतीने घशातील टॉन्सिल्सची सूज कमी करण्याचा प्रयत्न केला तर तुम्हाला खूप आराम मिळू शकतो.

MedicalNewsToday नुसार, टॉन्सिलिटिस या शब्दाचा अर्थ टॉन्सिलमध्ये जळजळ होणे. घशात असलेले टॉन्सिल हे दोन अंडाकृती ग्रंथी असतात जे घशाच्या मागील बाजूस असतात. नाक आणि तोंडातून शरीरात प्रवेश करणाऱ्या जीवाणू आणि विषाणूंपासून संरक्षण करणे हे त्याचे कार्य आहे. टॉन्सिलिटिसच्या बहुतेक समस्या व्हायरल इन्फेक्शनमुळे होतात. टॉन्सिलाईटिस कोणालाही होऊ शकतो, परंतु ही समस्या लहान मुलांमध्ये अधिक आढळते.

कोमट पाणी प्या : शक्यतो कोमट किंवा गरम पाणी प्या. याशिवाय सूप, चहा यांसारख्या गरम पदार्थांचे सेवन करावे. आल्याचा गरम चहा मध मिसळून प्यायल्यानेही या समस्येपासून लवकर आराम मिळतो.

थंड पदार्थ खा आणि प्या : जर तुम्हाला घशात तीव्र वेदना होत असतील तर तुम्ही थंड आइस्क्रीम, गोठवलेले दही, मऊ अन्न इत्यादींचे सेवन करू शकता, ज्यामुळे घशात बधीरपणा येईल आणि तुम्हाला वेदना जाणवणार नाहीत. पुदिन्याचे पेय किंवा स्मूदी पिऊनही आराम मिळू शकतो.

कठिण गोष्टी खाणे टाळा : जर तुम्ही चिप्स, कच्चे गाजर, फळे यांसारख्या कठीण गोष्टी खाल्ल्या तर घशात वेदना वाढू शकतात, त्यामुळे अशा गोष्टी टाळा.

मिठाच्या पाण्याने गार्गल करा : जर तुम्हाला दुखण्यापासून ताबडतोब आराम हवा असेल तर कोमट पाण्यात मीठ घालून गार्गल करा. असे केल्याने घशातील सूज आणि वेदनेपासून आराम मिळेल.

घरामध्ये ह्युमिडिफायर लावा : कोरड्या तोंडामुळे ही समस्या उद्भवते, घसा जळजळ करतो आणि सुजतो. हे टाळण्यासाठी आपण थंड मिंट ह्युमिडिफायर वापरू शकता.

डॉक्टरांशी संपर्क साधा : एवढे करूनही तुम्हाला आराम मिळत नसेल, तर डॉक्टरांशी संपर्क साधा आणि आवश्यक चाचण्या करून घ्या.