Ajit Pawar Plane Crash : बारामतीत कुठे आहे ते ठिकाण? जिथं अजित पवारांचं विमान झालं क्रॅश

उपमुख्यमंत्री अजित पवार यांचा विमान अपघातात मृत्यू झाल्याची धक्कदायक घटना घडली आहे. अजित पवार बारामती दौऱ्यावर होते, तेव्हा लँडिंगदरम्यान त्यांचं विमान कोसळलं.

बारामतीत आज जिल्हा परिषदेच्या निवडणुकीनिमित्त अजित पवारांच्या सभा आयोजित करण्यात आल्या होत्या. त्यासाठी अजित पवार गेले होते. गोजुबावी येथे विमान उतरत असताना हा अपघात झाला.

गोजुबावी हे पुणे जिल्ह्यातील बारामती तालुक्यातील एक गाव आहे.  पुण्यापासून जवळपास 100 किमी दूर आणि बारामतीपासून 10 किमी अंतरावर आहे.

गोजुबावी हे गाव पुण्यातील प्रमुख कृषी आणि व्यावसायिक क्षेत्रात येतं. एक कृषी क्षेत्र म्हणून प्रामुख्याने ओळखलं जातं. 

गोजुबावी हे गाव याआधीही विमान अपघातामुळे चर्चेत आलं होतं. ऑक्टोबर 2023 मध्ये गोजुबावी गावाजवळ एक ट्रेनिंग एअरक्राफ्ट दुर्घटनाग्रस्त झालं होतं.