भिवंडीत पेपर रोलच्या गोदामाला भीषण आग, चार गोदाम जळून खाक, हादरवणारे फोटो

भिवंडी तालुक्यातील मानकोली येथील हरिहर कंपाऊंड परिसरात गादी आणि पेपर रोलच्या गोदामाला भीषण आग लागली आहे.

A-2 या दोन मजली इमारतीत बॉम्बे ट्रॉफी नावाची कंपनी गाद्या आणि कागदी रोल बनवत होती. तर शेजारच्या दुसऱ्या इमारतीत, खेळण्याचे पत्ते बनविण्याचा कारखाना होता.

आगीत तीन ते चार गोदाम जळून खाक झाल्याची प्राथमिक माहिती मिळत आहे. आगीची तीव्रता एवढी होती की काही क्षणात दुकानातील माल जळून खाक झाला आहे.

शॉर्टसर्किटने आग लागल्याची प्राथमिक माहिती मिळत असली तरी आगीचे खरे कारण अद्याप समोर येऊ शकलेले नाही.

पहिला मजला आणि दुसरा मजला आगीच्या भक्ष्य स्थानी सापडला आहे. आगीवर नियंत्रण मिळवण्यासाठी भिवंडी अग्निशमन दलाच्या तीन गाड्या दाखल झाल्या आहेत. आगीवर नियंत्रण मिळवण्यासाठी शर्थीचे प्रयत्न सुरू आहेत.