समृद्धी महामार्गावर स्कॉर्पिओचा भयानक अपघात, 3 जण जागेवरच ठार, घटनास्थळाचे पहिले PHOTOS

समृद्धी महामार्गावर एकापेक्षा एक भीषण अपघाताच्या घटना समोर येत असतात. यामध्ये आणखी एका अपघाताची भर पडलीय. समृद्धी महामार्गावर वैजापूर जवळ ट्रक आणि बोलेरो कारचा भीषण अपघात झालाय.

समृद्धी महामार्गावर वैजापूर तालुक्यातील जांबरगाव शिवारात स्कॉर्पिओ कार पाठीमागून ट्रकला धडकल्याने अपघात झाला या अपघातामध्ये तीन जण जागीच ठार झाले तर चार जण गंभीर झाले असून, त्यातील तीन जणांची प्रकृती गंभीर आहे.

अपघात इतका भीषण होता की धडकेनंतर स्कॉर्पिओ कारचे एक्सेल घटनास्थळावरून जवळपास एक ते दीड किलोमीटर अंतर लांब पर्यंत उडाले.

कुमारी योगेश जाधव वय 22, कमला बन्सी राठोड वय 40, आणि बन्सी धोंडीराम राठोड असे या घटनेतील तीन मयतांची नावे आहे. तर अपघातात रामसिंग बलसिंग राठोड, शितल बलसिंग राठोड, मयंक योगेश जाधव आणि नेहा बनसिंग राठोड हे या अपघातात गंभीर जखमी झाले आहेत.

जखमींवर वैजापूर येथील उपजिल्हा रुग्णालयात प्राथमिक उपचार करून त्यांना पुढील उपचारासाठी छत्रपती संभाजीनगर येथील घाटी रुग्णालयात हलवण्यात आले आहे.