Gondia : बंद पडलेली गाडी दुरुस्त करण्यासाठी थांबले अन् गमावला जीव, अपघातात तिघांचा मृत्यू

गोंदिया जिल्ह्याच्या देवरी शहरातुन गेलेला राष्ट्रीय महामार्गावर आज पहाटे 3 वाजेच्या सुमासारास भीषण अपघात झाला. या अपघातात तिघांचा जागीच मृत्यू झाला.

देवरी शहरालगत असलेल्या धोगीसराळ गावाजवळ राष्ट्रीय महामार्गावर गाडी बिघडल्याने वाहनचालक दुरुस्ती करत होता. मात्र मागून येणाऱ्या ट्रकने जोराची धडक दिली.

रायपुरच्या दिशेने ट्रक जात होता. ट्रकची धडक इतकी भीषण होती की तिघांचा जागीच मृत्यू झाला. मृतांची ओळख पटलेली नाही.

अपघाताची माहिती मिळताच देवरी पोलीस घटनास्थळी दाखल झाले. तिन्ही मृतदेह शवविच्छेदनासाठी पाठवण्यात आले.

देवरी शहरातून गेलेल्या या राष्ट्रीय महामार्गावर वाढत्या अपघातांना रोखण्यासाठी उपयायोजना कराव्यात अशी मागणी प्रवाशांकडून केली जातेय.