पुढील दोन दिवस पुन्हा उन्हाचा तडाखा, विदर्भाला हवामान विभागाचा इशारा

पुढील देशभरात सर्वत्र नवरात्र उत्सवाची सांगता झाली असतांना अद्याप उन्हाच्या झळा काही केल्या कमी होण्याची चिन्हे नाहीत. निम्म्याहून अधिक ऑक्टोबर महिना निघून गेला असला तरी हिवाळ्याची चाहूल अद्याप लागलेली नाही. मान्सूनने देशभरातून काढता पाय घेतला असताना राज्याच्या सर्वच जिल्हातील तापमानात वाढ होताना दिसून येत आहे. यामुळे ऑक्टोबर हिटच्या झळा चांगल्याच जाणवू लागल्या आहेत.

येत्या 18 ऑक्टोबर पासून तापमान वाढ आणखी तीव्र होणार असल्याची शक्यता हवामान विभागाच्या वतीने वर्तविण्यात आली आहे. उन्हासोबत वातावरणात आर्द्रतेच्या पातळीत वाढ झाली आहे. त्यामुळे सकाळ आणि दुपारच्या वेळी तापमानात वाढ झाल्याचे दिसून येत आहे. या झळा उन्हाळ्या इतक्याच असह्य असल्याने नागरिकांना मनस्ताप सहन करावा लागतो आहे.

उत्तरेकडे पश्चिम झंझावात आणि दक्षिणे तमिळनाडूकडे चक्रीय वाऱ्यांची स्थिती निर्माण झाल्याने राज्यातील काही भागात पुढील 18 ऑक्टोबर व 19 ऑक्टोबर दोन दिवस ढगाळ वातावरण राहण्याचा अंदाज <a href="https://news18marathi.com/maharashtra/nagpur/">नागपूर</a> प्रादेशिक हवामान विभागाने वर्तविण्यात आला आहे.हवामानात झालेल्या या बदलामुळे सध्या हवामान खात्याने नागरिकांना काळजी घेण्याचे आवाहन केले आहे.

आज नागपुरात किमान तापमान 34.4 अंश सेल्सिअस तर किमान तापमान 19.9 अंश सेल्सिअस नोंदविण्यात आले आहे. नोंदविण्यात आलेले तापमान हे सरासरीपेक्षा अधिक आहे. किमान आणि कमाल तापमानामध्ये वाढ झाल्याने विदर्भासह मराठवाडा व अन्यत्र ठिकाणची जनता उकाड्याने त्रस्त झाली आहे. दरम्यानच्या काळात पारा अंशतः कमी झालेला असला तरी पुढील दोन दिवस हलकी कट झाल्यानंतर 18 ऑक्टोबर पासून पुन्हा 12 उसळी घेऊ शकतो व उखाड्याचा परिणाम पूर्णवत जाणवू शकतो.

ऑक्टोबरमधील वाढत्या उष्णतेमुळे नागपूरकरांचा चांगलाच घाम फोडला आहे. दरवर्षीपेक्षा यंदा ऑक्टोंबर हिटची दहकता अधिक जाणवण्याची शक्यता असून संपूर्ण महाराष्ट्रात सरासरीपेक्षा दुपारचे कमाल तापमान दोन डिग्रीने तर पहाटेचे किमान तापमान तीन ते चार डिग्रीने अधिक असण्याची शक्यता जाणवते आहे.

सध्या विदर्भातील ब्रह्मपुरी येथील कमाल तापमान 36.8 अंश सेल्सिअस हे सर्वधिक नोंदविण्यात आले आहे. त्या खालोखाल अकोला कमाल तापमान 36.5 ते ते किमान 22.6 अंश सेल्सिअस, वाशिम 36 अंश सेल्सिअस, वर्धा 35.0 अंश सेल्सिअस, यवतमाळ 35.0 अंश सेल्सिअस अमरावती 35.4 अंश सेल्सिअस, बुलढाणा 33.5 अंश सेल्सिअस, चंद्रपूर 33.8 अंश सेल्सिअस, गडचिरोली 34.2 अंश सेल्सिअस, गोंदिया 34.5 अंश सेल्सिअस, नागपूर 34.4 अंश सेल्सिअस, असे नोंदविण्यात आले आहे.

ऑक्टोबर महिन्यामध्ये घामाच्या धारा लागत असल्याने नागरिक हैराण झाले आहे. दिवसा वातावरणात उष्म आणि पहाटे व रात्री वातावरण थंड असल्याने आरोग्यावर देखील त्याचा परिणाम होत आहे. विदर्भात आणखी काही दिवस ऑक्टोबर हिटचा सामना करावा लागण्याची शक्यता हवामान विभागाने वर्तविली आहे.

नागपूरच नाही तर हा परिणाम संपूर्ण विदर्भात दिसून येत आहे. विदर्भाला देखील या उष्म्याने घाम फोडला आहे. नागपूर जिल्ह्यातील कमाल तापमान 19.9 अंश सेल्सिअस इतकी तापमानाची नोंद करण्यात आली आहे. त्यापाठोपाठ अकोला 22.6 अंश सेल्सिअस वर आहे. अमरावती 21.5 ब्रह्मपुरी 23.1 चंद्रपूर 20.4, गडचिरोली 19.4, गोंदिया 20.4 बुलढाणा 22.4, वर्धा 21.4, वाशिम 19.6, यवतमाळ 20.5 इतके नोंदविण्यात आले आहे.