पुणे मुंबई एक्सप्रेस वे वर पुन्हा वाहतूक कोंडी, लांबच लांब वाहनांच्या रांगा, धडकी भरवणारे Photo

पुणे मुंबई द्रुतगती महामार्ग अर्थात एक्सप्रेस हायवेवर वाहतूक संथ गतीने सुरू आहे. शिवजयंती निमित्ताने सुट्टी असल्याने मोठ्या संख्येने वाहने रस्त्यावर आहेत.

खंडाळा घाटात वाहतूक संथ गतीने सुरू असून मुंबई कडून पुण्याकडे येणाऱ्या लेनवर वाहने वाढल्याने वाहतूक कोंडी होऊ नये यासाठी महामार्ग पोलिसांकडून 15-15 मिनिटांचे ब्लॉक घेण्यात येत आहेत.

त्यामुळे पुण्याकडून मुंबई कडे जाणाऱ्या लेनवरील वाहतूक थांबवल्याने मुंबई लेनवर देखील वाहनांच्या रांगा लागल्याचे चित्र आहे.

पुणे मुंबई एक्सप्रेस हायवेवर सतत होणाऱ्या या वाहतूक कोंडी मुळे आता वाहनचालक आणि पर्यटक मात्र वैतागले आहेत.

गेल्याच आठवड्यात सुमारे ३५ तासांची वाहतूक कोंडी पुणे-मुंबईकरांनी सहन केली होती. एक टँकर घाटाच्या लगत बंद पडल्याने सुमारे ५० किमीपर्यंत वाहतूक कोंडी झाली आहे.