EPFO New Rules: PF काढण्याचे 8 नवे नियम! पाहा 100% फंड कधी काढता येतो?

अनेकदा पीएफचे पैसे काढण्यात कर्मजाऱ्यांना खुप त्रास होतो. पीएफ फंड विड्रॉलच्या नियमांना समजुन घेण्यात तासंतास लागतात. काही कर्मचाऱ्यांचा क्लेम रिजेक्ट होतो कारण त्यांना या नियमांविषयी माहितीच नसते. हेच सोपं करण्यासाठी ईपीएफओने नुकतेच पीएफ काढण्याचे नियम सोपे केले आहेत. जेणेकरुन गरज पडल्यास सदस्य सहज आपला पैसा काढू शकतील.

ऑक्टोबर 2025 मध्ये ईपीएफओने आंशिक पीएफ फंड काढण्यासाठी सिंपल फ्रेमवर्क तयार केला. पूर्वी, पीएफ काढण्यासाठी 13 वेगवेगळे नियम होते, प्रत्येक नियमानुसार 2 ते 7 वर्षांचा कालावधी वेगळा होता. यामुळे अनेकदा गोंधळ निर्माण होत असे आणि कधीकधी क्लेम रिजेक्ट केले जात असत. शिवाय, बहुतेक प्रकरणांमध्ये, कर्मचारी फक्त 50% ते 100% च्या मर्यादेत त्यांचे योगदान आणि व्याज काढू शकत होते, ज्यामुळे आपत्कालीन परिस्थितीत पैसे काढणे कठीण होते.

दरम्यान, नवीन EPFO नियमांनुसार, पीएफमधून सर्व आंशिक पैसे काढणे एकाच सिस्टममध्ये एकत्रित करण्यात आले आहे. सर्वात मोठा दिलासा म्हणजे जवळजवळ सर्व पैसे काढण्यासाठी किमान सेवा कालावधी आता फक्त 12 महिने निश्चित करण्यात आला आहे.

सर्वात महत्त्वाचा बदल हा आहे की, आता पैसे काढण्याच्या रकमेत कर्मजारी आणि नियोक्ता दोन्हींचं योगदान, सोबतच व्याजाचाही समावेश असेल. म्हणजेच आता सदस्य आपल्या एलिजिबिल पीएफ बॅलेन्सचा 75% पर्यंत काढू शकतात. जे पहिल्याच्या तुलनेत खुप जास्त आहे. आता तुम्ही पहिल्यापेक्षा जास्त आणि लवकर पीएफ काढू शकता. 12 महिन्याची नोकरी पूर्ण केल्यानंतर, ईपीएफओ मेंबर पाच स्थितींमध्ये आपले पीएफ बॅलेन्सचा 100% पर्यंत काढू शकतात.

पहिले, स्वतःसाठी किंवा कुटुंबाच्या उपचारांसाठी (एका आर्थिक वर्षात तीन वेळा). दुसरे, स्वतःसाठी किंवा मुलांच्या शिक्षणासाठी, तुम्ही संपूर्ण पीएफ सदस्यत्वादरम्यान 10 वेळा पैसे काढू शकता. तिसरे, तुम्ही तुमच्या स्वतःच्या किंवा मुलांच्या लग्नासाठी 5 वेळा पैसे काढू शकता. चौथे, तुम्ही घर खरेदी, बांधकाम, गृहकर्जाची परतफेड किंवा दुरुस्ती यासारख्या निवासी गरजांसाठी 5 वेळा पैसे काढू शकता. पाचवे, विशेष परिस्थितीत, कोणतेही विशिष्ट कारण देण्याची आवश्यकता नाही. या परिस्थितीत, तुम्ही एका आर्थिक वर्षात दोनदा पीएफ काढू शकता.

नवीन पैसे काढण्याचे नियम असूनही, EPFOने सदस्यांसाठी त्यांच्या निवृत्ती बचतीचे संरक्षण करण्यासाठी 25% पैसे काढण्याची मर्यादा कायम ठेवली आहे. डेटानुसार वारंवार पैसे काढल्याने कर्मचाऱ्यांच्या दीर्घकालीन सुरक्षिततेवर परिणाम होत होता. अनेक कमी उत्पन्न असलेल्या कर्मचाऱ्यांना 8.25% दीर्घकालीन चक्रवाढ फायद्याचा फायदा झाला नाही कारण ते वारंवार पैसे काढत होते. म्हणून, आता 25% बॅलेन्स रिटायरमेंटसाठी सुरक्षित ठेवले जाते.

तुमची नोकरी गेली असेल तर पीएफ नियम तुम्हाला सुट देते. तुम्ही एकूण पीएफ बॅलेन्सच्या 75% लगेच काढू शकता. तर इतर 25% एक वर्षांनंतर काढता येऊ शकते. काही प्रकरणांमध्ये पूर्ण रक्कम काढणंही शक्य आहे. जसं की, वयाच्या 55 व्या वर्षी रिटायरमेंट, स्थायी विकलांगता, रिटायरमेंट, वॉलंटरी किंवा भारत सोडून इतर देशात कायमचं जाणे.

या बदलांचा कर्मचारी पेन्शन योजनेअंतर्गत (EPS) मिळणाऱ्या पेन्शन फायद्यांवर परिणाम होत नाही. पीएफ सदस्य 10 वर्षे सेवा पूर्ण करण्यापूर्वी त्यांची पेन्शन रक्कम काढू शकतो, परंतु निवृत्तीनंतर मासिक पेन्शन मिळवण्यासाठी किमान 10 वर्षे ईपीएस मेंबरशिप आवश्यक आहे.