Gold Price : "नवीन वर्षात सोनं-चांदीच्या किमती अर्ध्या होतील" तज्ज्ञांची भविष्यवाणी; गुंतवणूकदारांसाठी मोठी खुशखबर?

लग्नाचा हंगाम असो किंवा गुंतवणुकीचा विचार, भारतीयांच्या मनात पहिली गोष्ट येते ती म्हणजे सोनं. सोनं सगळ्यात सेफ गुंतवणूक आहे. गेल्या काही महिन्यांपासून सोन्या-चांदीच्या दरांनी जो रॉकेटचा वेग पकडला होता, त्यामुळे सर्वसामान्यांच्या तोंडचे पाणी पळाले होते. पण जसे आपण 2025 ला निरोप देऊन 2026 मध्ये पदार्पण करत आहोत, तसे बाजारात काही सकारात्मक संकेत मिळू लागले आहेत.

30 डिसेंबर 2025 रोजी सोन्याच्या दरात झालेली मोठी घसरण ही ग्राहकांसाठी 'न्यू इयर गिफ्ट' ठरत आहे. मात्र, हे दर असेच कमी राहतील की नवीन वर्षात पुन्हा उसळी घेतील? तज्ज्ञांचे गणित काय सांगते, हे समजून घेणे अत्यंत महत्त्वाचे आहे.

30 डिसेंबरला सोन्याच्या दरात झालेली घसरण ही मध्यमवर्गीयांसाठी मोठा दिलासा ठरली आहे:22 कॅरेट सोनं: प्रति ग्रॅम 420 रुपयांची घसरण होऊन दर 12,600 रुपयांवर आले आहेत.18 कॅरेट सोनं: प्रति ग्रॅम 360 रुपयांची घसरण होऊन दर 10,505 रुपयांवर पोहोचले आहेत.

चांदीच्या दरातही मोठी घट पाहायला मिळाली आहे. एकाच दिवसात चांदी 23 रुपयांनी स्वस्त होऊन 258 रुपये प्रति ग्रॅम वर आली आहे.

2026 मध्ये काय होणार? तज्ज्ञांचा धक्कादायक अंदाजकमोडिटी बाजार तज्ज्ञ पृथ्वीराज कोठारी आणि इतर विश्लेषकांच्या मते, सोन्या-चांदीचे दर सध्या त्यांच्या सर्वोच्च पातळीवर (All-time high) असले, तरी ही वाढ टिकणारी नाही. यामागील काही महत्त्वाची कारणे खालीलप्रमाणे आहेत:

1.Profit Booking: सध्या बाजारात मोठ्या गुंतवणूकदारांनी पैसे गुंतवून ठेवले आहेत. ज्या दिवशी हे गुंतवणूकदार आपला नफा काढून घेण्यास सुरुवात करतील, त्या दिवशी सोन्याच्या दरात एकाच दिवसात 10 ते 20 टक्क्यांची मोठी घसरण होऊ शकते.

2. मागणीमध्ये घट: सोनं इतकं महाग झालं आहे की सामान्य ग्राहकांनी खरेदीकडे पाठ फिरवली आहे. लोक आता जड दागिन्यांऐवजी 18 किंवा 14 कॅरेटच्या हलक्या दागिन्यांना पसंती देत आहेत. मागणी कमी झाल्यामुळे किमतीवर दबाव येऊन दर खाली येऊ शकतात.

3. चांदीचा 'रेकॉर्ड' ब्रेक: देशांतर्गत बाजारात चांदीने चक्क 25 लाख रुपये प्रति किलोची पातळी गाठून इतिहास रचला आहे. मात्र, तज्ज्ञांच्या मते चांदीमध्ये एकाच दिवसात 10 ते 12 टक्क्यांची घसरण होणे शक्य आहे.

गुंतवणूकदारांसाठी सोन्याची खाण, पण ग्राहकांसाठी चिंतेची वाण?अनेक लोकांनी आपले पैसे गोल्ड ईटीएफ (Gold ETF) आणि बँक एफडी ऐवजी सोन्यात लावले आहेत, कारण सोन्याने एफडीपेक्षाही जास्त परतावा दिला आहे. परंतु, दागिन्यांच्या दुकानांमध्ये सध्या शुकशुकाट पाहायला मिळतोय. त्यामुळेच सराफ व्यावसायिक आता ग्राहकांना आकर्षित करण्यासाठी मजुरी किंवा सोन्याच्या दरात सूट देत आहेत.

तुम्ही आता सोनं खरेदी करावं का?तज्ज्ञांनी ग्राहकांसाठी दोन महत्त्वाचे सल्ले दिले आहेत:दागिने खरेदीसाठी: जर तुम्हाला दागिने घ्यायचे असतील, तर थोडा वेळ प्रतीक्षा करणे फायदेशीर ठरेल. नवीन वर्षाच्या सुरुवातीला किमतीत 10,000 ते 15,000 रुपयांची मोठी घसरण होण्याची शक्यता आहे.

गुंतवणुकीसाठ सर्व पैसे एकाच वेळी सोन्यात न टाकता हप्त्यांमध्ये (Installments) गुंतवणूक करा, जेणेकरून बाजारातील चढ-उताराचा फटका बसणार नाही.

2026 हे वर्ष सोन्या-चांदीच्या बाजारासाठी 'करेक्शन'चे (Correction) वर्ष ठरू शकते. वाढलेले भाव जितक्या वेगाने वर गेले आहेत, तितक्याच वेगाने ते खाली येण्याची शक्यता नाकारता येत नाही. त्यामुळे सावध राहून आणि तज्ज्ञांचा सल्ला घेऊनच आपला कष्टाचा पैसा गुंतवा.

नोट : वरील माहिती सामान्य माहितीवर आधारीत आहे, न्यूज 18 मराठी याची पुष्टी करत नाबी, आमचा उद्देश तुमच्यापर्यंत माहिती पोहोचवणारा आहे.