Aadhar Card Update: तुमची एक चूक अन् सगळा डेटा लिक होऊ शकतो! Aadhaar ने दिला हायअलर्ट

बऱ्याचदा आपण साइट आवडली की लगेच आपले डिटेल्स देतो आणि त्यातून फ्रॉड होतो असे प्रकार पाहिजे असतील, मात्र आता आधार कार्डचे नवीन फ्रॉड होत आहेत. आधार कार्डचं नवीन अॅप आल्यानंतर आता अधिक सुरक्षित आणि काळजी घेण्याचं आवाहन करण्यात आलं आहे. आधार कार्डची माहिती वापरून फ्रॉड होत असल्याच्या घटना घडत आहेत. याला कारणीभूतही आपणच ठरू शकतो ते कसं हे आधारने ट्विट करून स्वत;सांगितलं आहे.

आजच्या डिजिटल युगात आधार कार्डची सॉफ्ट कॉपी म्हणजेच ई-आधारअनेक कामांसाठी वापरली जाते. ही महत्त्वाची कागदपत्रे सार्वजनिक ठिकाणी, सार्वजनिक वायफायवर, सार्वजनिक लॅपटॉप किंवा कंप्युटरमध्ये किंवा इंटरनेट कॅफेमध्ये डाउनलोड करणे तुमच्यासाठी धोकादायक ठरू शकते.

युनिक आयडेंटिफिकेशन अथॉरिटी ऑफ इंडियाने नागरिकांना याबद्दल एक अत्यंत महत्त्वाचा इशारा दिला आहे. UIDAI ने स्पष्टपणे सांगितले आहे की, इंटरनेट कॅफेसारख्या सार्वजनिक संगणकावर तुमचे ई-आधार डाउनलोड करणे टाळा. जर तुम्हाला कोणत्याही परिस्थितीत तेथे आधारची कॉपी डाउनलोड करावी लागली, तर ती डाऊनलोड करुन झाल्यावर संगणकातून कायमस्वरूपी डिलीट करायला विसरू नका.

तुमचे ई-आधार असलेली फाईल संगणकावर तशीच राहिल्यास, त्याचा गैरवापर होण्याची शक्यता असते. त्यामुळे आपली गोपनीय माहिती सुरक्षित ठेवणे आणि सायबर फसवणुकीपासून वाचणे ही आपली जबाबदारी आहे. तुमचे आधार सुरक्षित ठेवणे किती महत्त्वाचे आहे, हे UIDAI वारंवार अलर्ट करत आहे.

सार्वजनिक ठिकाणी डेटा डाउनलोड केल्यानंतर तो डिलीट न केल्यास तुमच्या आधारचा गैरवापर होऊ शकतो किंवा तुमची ओळख चोरीला जाऊ शकते. त्यामुळे, डिजिटल सुरक्षिततेच्या नियमांचे पालन करणे आवश्यक आहे.

तुमच्या आधार कार्डचा किंवा अन्य गोपनीय माहितीचा गैरवापर होत असल्याचे आढळल्यास, तुम्ही तात्काळ संबंधित यंत्रणांकडे तक्रार नोंदवू शकता. सायबर-गुन्हे हेल्पलाइन १९३०, UIDAI हेल्पलाइन १९४७ किंवा help@uidai.gov.in या वेबसाइटवर तुमची तक्रार नोंदवू शकता. UIDAI ने नागरिकांना सतर्क राहण्याचे आणि कोणत्याही प्रकारच्या फसवणुकीपासून स्वतःला वाचवण्याचे आवाहन केलं आहे.