Medicine : महाग आहे, तरी भारतात सर्वात जास्त विकलं जातंय हे औषध, करतं जबरदस्त काम

मौंजरो देशातील सर्वाधिक विक्री होणारं औषध बनलं आहे. आतापर्यंत बाजारात सर्वाधिक विक्री होणारं औषध GSK चे अँटीबायोटिक ऑगमेंटिन होतं. पण ऑक्टोबर 2025 मध्ये मौंजरोने त्याला मागे टाकलं. फार्माट्रॅकच्या आकडेवारीनुसार ऑक्टोबरमध्ये फार्मा रिटेल मार्केटमध्ये मौंजरोची विक्री 100 कोटी रुपये होती. तर ऑगमेंटिनची विक्री 80 कोटी रुपये होती.

मौंजरो हे खूप महाग औषध आहे. मौंजरोच्या एका महिन्याच्या थेरपीची किंमत 14000 ते 27000 रुपयांदरम्यान आहे. ऑगमेंटिनच्या 10 गोळ्यांच्या एका स्ट्रिपची किंमत फक्त 195 रुपये आहे.

अमेरिकन कंपनी एली लिलीने बनवलेले वजन कमी करणारे औषध, देशातील पारंपारिक सर्वाधिक विक्री होणाऱ्या अँटीबायोटिक्सना वजन कमी करण्याच्या थेरपीने मागे टाकण्याची ही पहिलीच वेळ आहे.

मुंबई आणि दिल्लीसारख्या आर्थिकदृष्ट्या मजबूत शहरांमध्ये वजन कमी करण्याच्या क्लिनिकमध्ये वाढ होत आहे आणि त्याचबरोबर खर्च करण्याची क्षमताही वाढत आहे. म्हणूनच मौंजारोसारख्या महागड्या औषधांनाही मोठी मागणी आहे. तज्ज्ञांचं म्हणणे आहे की लवकरच इतर प्रमुख शहरांमध्येही हा ट्रेंड दिसून येईल.

मौंजरोच्या वाढत्या किमती असूनही विक्रीतील वाढ दर्शवते की लोक वजन कमी करण्यासाठी महागड्या उपचारपद्धती आणि औषधे निवडत आहेत.