Weather Alert : दिवाळीच्या दिवशी महाराष्ट्रात वादळी पावसाची एंट्री, 12 जिल्ह्यांना अलर्ट

21 ऑक्टोबर रोजी राज्यातील काही जिल्ह्यांत हलक्या ते मध्यम स्वरूपाच्या पावसाची शक्यता वर्तवण्यात आली आहे. तसेच ऑक्टोबर हीटचा तडाखा देखील कायम आहे. मुंबई, मध्य महाराष्ट्र आणि विदर्भातील काही जिल्ह्यांत उन्हाचे चटके नागरिकांना सहन करावे लागत आहेत. तसेच काही भागांत पावसाच्या हलक्या सरी देखील बरसत आहेत. एकंदरीत राज्यात संमिश्र वातावरण बघायला मिळण्याची शक्यता आहे. पाहुयात 21 ऑक्टोबर रोजी राज्यातील हवामानाची स्थिती कशी राहील.

पालघर, ठाणे आणि मुंबईत कोरडे वातावरण राहण्याची शक्यता आहे. मुंबईतील कमाल तापमान 36 अंश सेल्सिअस तर किमान तापमान 25 अंश सेल्सिअस इतके असू शकते. रायगड आणि रत्नागिरी जिल्ह्यांत ढगांच्या गडगडाटासह हलक्या ते मध्यम स्वरूपाच्या पावसाची शक्यता आहे. तसेच सिंधुदुर्ग जिल्ह्यांत वादळी वाऱ्यासह आणि विजांच्या कडकडाटासह हलक्या ते मध्यम स्वरूपाच्या पावसाची शक्यता असल्याने यलो अलर्ट जारी करण्यात आला आहे.

पश्चिम महाराष्ट्रातील पुणे, सातारा, सांगली आणि सोलापूर जिल्ह्यांत ढगांच्या गडगडाटासह हलक्या ते मध्यम स्वरूपाच्या पावसाची शक्यता आहे. पुण्यातील कमाल तापमान 31 अंश सेल्सिअस तर किमान तापमान 20 अंश सेल्सिअस इतके राहण्याची शक्यता आहे. कोल्हापूर, कोल्हापूर आणि सातारा घाटमाथा परिसरात विजांच्या कडकडाटासह आणि वादळी वाऱ्यासह हलक्या ते मध्यम स्वरूपाच्या पावसाची शक्यता आहे. या तीन ठिकाणी यलो अलर्ट जारी करण्यात आला आहे.

मराठवाड्यातील छत्रपती संभाजीनगर आणि जालना जिल्ह्यांत कोरडे वातावरण राहण्याची शक्यता आहे. छत्रपती संभाजीनगरमधील कमाल तापमान 32 अंश सेल्सिअस तर किमान तापमान 20 अंश सेल्सिअस इतके राहण्याची शक्यता आहे. परभणी, हिंगोली आणि नांदेड जिल्ह्यांत वादळी वाऱ्यासह आणि विजांच्या कडकडाटासह हलक्या ते मध्यम स्वरूपाच्या पावसाची शक्यता आहे. या तीन जिल्ह्यांना पावसाचा यलो अलर्ट जारी करण्यात आला आहे. बीड, लातूर आणि धाराशिव जिल्ह्यांत हलक्या ते मध्यम स्वरूपाच्या पावसाची शक्यता वर्तवण्यात आली आहे.

उत्तर महाराष्ट्रातील नाशिक, धुळे, नंदुरबार, जळगाव आणि अहिल्यानगर जिल्ह्यांत हलक्या पावसाची शक्यता वर्तवण्यात आली आहे. नाशिकमधील कमाल तापमान 32 अंश सेल्सिअस तर किमान तापमान 21 अंश सेल्सिअस इतके राहण्याची शक्यता आहे.

विदर्भातील अकोला, अमरावती, बुलढाणा, गडचिरोली आणि गोंदिया या जिल्ह्यांत वादळी वाऱ्यासह आणि विजांच्या कडकडाटासह पावसाची शक्यता वर्तवण्यात आली आहे. या सर्व जिल्ह्यांना पावसाचा यलो अलर्ट जारी करण्यात आला आहे. भंडारा, चंद्रपूर, नागपूर, वर्धा, वाशिम आणि यवतमाळ या जिल्ह्यांत कोरडे वातावरण राहण्याची शक्यता आहे. नागपूरमधील कमाल तापमान 32 अंश सेल्सिअस तर किमान तापमान 22 अंश सेल्सिअस इतके राहण्याची शक्यता आहे. नागपूरमधील कमाल तापमान 32 अंश सेल्सिअस तर किमान तापमान 22 अंश सेल्सिअस इतके राहण्याची शक्यता आहे.

राज्यातील वातावरणात सतत बदल जाणवत आहे. एकीकडे ऑक्टोबर हीटचा तडाखा तर दुसरीकडे हलक्या सरी बरसण्याची शक्यता आहे. 21 ऑक्टोबर रोजी राज्यातील 12 जिल्ह्यांना येलो अलर्ट जारी करण्यात आला आहे. नागरिकांनी सतर्कता बाळगणे गरजेचे आहे.