अंत अटळ! शेवटच्या क्षणांत शरीरात दिसतात 'हे' बदल, 'या' 6 संकेतांकडे चुकूनही करू नका दुर्लक्ष

हिंदू धर्मात जन्म आणि मृत्यूशी संबंधित अनेक रहस्ये धार्मिक ग्रंथांमध्ये सांगितली आहेत. विशेषतः 'गरुड पुराण' आणि 'मत्स्य पुराण' यामध्ये मृत्यूच्या सहा महिने आधीपासून मिळणाऱ्या संकेतांचे सविस्तर वर्णन केले आहे. असे मानले जाते की, जेव्हा एखाद्या व्यक्तीचा मृत्यू जवळ येतो, तेव्हा यमराज प्रत्यक्ष किंवा अप्रत्यक्षपणे काही संकेत देतात, जेणेकरून त्या जीवाने आपल्या राहिलेल्या इच्छा पूर्ण कराव्यात आणि देवाच्या स्मरणात वेळ घालवावा.

स्वतःचे नाक दिसणे बंद होणे: गरुड पुराणानुसार, जेव्हा एखाद्या व्यक्तीचा मृत्यू जवळ येतो, तेव्हा त्या व्यक्तीला स्वतःच्या नाकाचा शेंडा दिसणे बंद होते. दृष्टीमध्ये होणाऱ्या या बदलामुळे व्यक्तीला आपलेच नाक नीट दिसत नाही.

सावली किंवा प्रतिबिंब गायब होणे: मृत्यूपूर्वी व्यक्तीची सावली तिचा साथ सोडू लागते. अशा व्यक्तीला तेल, पाणी किंवा आरशात आपले प्रतिबिंब नीट दिसत नाही किंवा ते विकृत दिसते. काही वेळा व्यक्तीला स्वतःची सावलीच दिसत नाही, हे पंचतत्त्व शरीरातून विलग होत असल्याचे लक्षण आहे.

तळहातावरील रेषा फिकट होणे: जसजसा अंतिम काळ जवळ येतो, तसतसे व्यक्तीच्या हातावरील रेषा अस्पष्ट किंवा फिकट होऊ लागतात. हाताच्या रेषा नशिबाचे प्रतीक मानल्या जातात आणि मृत्यू जवळ आल्यावर या रेषा हळूहळू नाहीशा होऊ लागतात.

अदृश्य शक्ती किंवा यमदूत दिसणे: मृत्यूच्या काही दिवस किंवा तास आधी, व्यक्तीला आपल्या आजूबाजूला काही अदृश्य आकृत्या किंवा यमदूत दिसू लागतात. ज्यांचे कर्म वाईट असते त्यांना भयानक यमदूत दिसतात, तर पुण्यवान व्यक्तींना दिव्य प्रकाश किंवा शांत आत्मे दिसतात.

स्वप्नात पूर्वजांचे दर्शन: जर तुम्हाला स्वप्नात मृत पूर्वज वारंवार दिसत असतील आणि ते तुम्हाला त्यांच्यासोबत येण्याचे संकेत देत असतील किंवा ते उदास दिसत असतील, तर हे जीवनयात्रा संपण्याचे लक्षण मानले जाते.

इंद्रियांवर ताबा नसणे: मृत्यूच्या अगदी जवळ असताना व्यक्तीची ऐकण्याची आणि बोलण्याची क्षमता हळूहळू संपते. कानावर बोटे ठेवूनही आतून येणारा 'नाद' ऐकू येत नाही. तसेच शरीराचा रंग अचानक पिवळसर किंवा निळसर पडू लागतो. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)