ख्रिसमस सेलिब्रेशनसाठी क्रिती क्रिकेटपटूच्या घरी, परमसुंदरीच्या 'सिक्रेट' सांताला ओळखलं का?

नाताळनिमित्त संपूर्ण जगात उत्साहाचं वातावरण आहे. सर्व क्षेत्रातील दिग्गज देखील नाताळाचा आनंद घेताना दिसतायेत. अशातच क्रिकेटविश्वातील एका दिग्गज खेळाडूचा फोटो सध्या व्हायरल होताना दिसतोय.

या स्टार क्रिकेटरने आपल्या लेकीसाठी खास सँटाक्लॉजचा ड्रेस परिधान केला अन् लाडक्या लेकीला ख्रिसमस निमित्त भेटवस्तू दिली. हा दिग्गज खेळाडू कोण? तुम्हाला ओळखलं का?

हा स्टार खेळाडू दुसरा तिसरा कुणी नसून महेंद्रसिंग धोनी आहे. महेंद्रसिंग धोनीने आपल्या कुटूंबासोबत ख्रिसमस सेलीब्रेशन केलं.

सांताचा पोशाख, चष्मा आणि लांबलचक पांढरी दाढी असा लूक महेंद्रसिंग धोनीचा दिसतोय. या टोपीवर श्री माही असं देखील लिहिलंय.

धोनीची पत्नी साक्षीने सोशल मीडियावर हे फोटो शेअर केले. यामध्ये धोनी आपल्या लाडक्या लेकीला मिठी मारताना दिसतोय.

मुलीसह आणि बायकोसह धोनीने फोटो काढले. त्यावेळी धोनीने सांताचा पूर्ण पोशाख परिधान केला होता.

मात्र, सर्वांचं लक्ष एका फोटोकडे गेलं. त्यात बॉलिवूड स्टार क्रिती सेनन आणि धोनी दिसत होते.