IND vs NZ : 'जर तुम्ही सुधारला नाहीत तर...', कॅप्टन गिलने 'या' खेळाडूंवर फोडलं पराभवाचं खापर

राजकोटच्या मैदानावर न्यूझीलंडने 7 विकेट राखून टीम इंडियाचा पराभव केला आहे. न्यूझीलंडच्या या विजयाने त्याने तीन सामन्यांच्या वनडे मालिकेत 1-1ने बरोबरी साधली आहे.

आम्हाला मधल्या षटकांमध्ये एकही विकेट मिळाली नाही. पाच क्षेत्ररक्षक आत असताना, जर तुम्ही मधल्या षटकांमध्ये विकेट्स घेत राहिला नाहीत, तर आम्ही १५-२० धावा जास्त केल्या असत्या तरी खूप अवघड होते. आणि जर तुम्ही मधल्या षटकांमध्ये विकेट्स घेतल्या नाहीत, तर लक्ष्य रोखणे खूप कठीण होते,असे शुभमन गिलने सांगितले आहे.

आता मधल्या षटाकांमध्ये प्रसिद्ध कृष्णा आणि नितीश रेड्डी, कुलदीप यादव आणि रविंद्र जडेजा यासारख्या खेळाडूंनी गोलंदाजी केली होती.त्यामुळे हे खेळाडू पराभवाला कारणीभूत ठरले आहेत.

टीम इंडियाचा डाव का मंदावला यावर बोलताना गिल म्हणाला, अशा प्रकारच्या खेळपट्ट्यांवर, जेव्हा भागीदारी होते, तेव्हा स्थिरावलेल्या फलंदाजाला मोठी खेळी करावी लागते, कारण नवीन आलेल्या फलंदाजाला सहजपणे धावा करणे सोपे नसते.

शेवटी, आम्ही एक चांगले लक्ष्य उभारले आणि पहिल्या १० षटकांमध्ये आम्ही खूप चांगली गोलंदाजी केली. आणि गोलंदाजीत आम्हाला जशी सुरुवात मिळाली, त्यानुसार आम्ही त्यांना रोखण्याचा, त्यांच्यावर दबाव टाकण्याचा प्रयत्न करत होतो, पण मला वाटते की त्यांनी मधल्या षटकांमध्ये खूप चांगली फलंदाजी केली,असे कौतुक ही शुभमन गिलने केले आहे.

आम्ही गोलंदाजी केलेल्या पहिल्या १०-१५ षटकांमध्ये चेंडू थोडा वळत होता. पण मला वाटते की २०-२५ षटकांनंतर खेळपट्टी थोडी स्थिरावली, पण मला वाटते की मधल्या षटकांमध्ये गोलंदाजी करताना आम्ही थोडे अधिक धाडसी होऊ शकलो असतो. आम्ही थोडे अधिक संधी घेऊ शकलो असतो,अशी खंत देखील गिलने बोलून दाखवली.

तसेच मागच्या सामन्यातही आम्ही काही संधी गमावल्या. ही एक अशी गोष्ट आहे की, आम्ही नेहमीच, विशेषतः या संघासोबत, क्षेत्ररक्षणात सुधारणा करण्याचा प्रयत्न करत असतो. हा एक असा पैलू आहे ज्यामध्ये आम्ही नेहमीच सुधारणा करण्याचा प्रयत्न करत असतो. आणि हो, जर तुम्ही संधी साधल्या नाहीत, तर या फॉरमॅटमध्ये तुम्हाला नेहमीच पराभव पत्करावा लागतो,असे देखील शुभमन गिलने सांगितले.