Rohit Sharma : रोहित शर्मा शुन्यावर आऊट, पण हिटमॅनला गोल्डन डक करणारा 'उत्तराखंड एक्सप्रेस' देवेंद्र बोरा कोण?

सिक्कीमविरुद्ध सेंच्युरी मारून प्रेक्षकांची मनं जिंकणाऱ्या हिटमॅनने जयपूरच्या सवाई मानसिंग स्टेडियमवर प्रेक्षकांचा हिरमोड केला आहे. पहिल्याच बॉलवर रोहित शर्मा आऊट झाला.

रोहित शर्माने सिक्कीमविरुद्ध 94 बॉलमध्ये 155 धावांची खेळी केली होती. मात्र, उत्तराखंडविरुद्ध रोहित शर्माने सकाळी सहा वाजता स्टेडियमवर पोहोचलेल्या प्रेक्षकांना नाराज केलं. त्याला कारण ठरला 'उत्तराखंड एक्सप्रेस'

रोहित शर्माला शुन्यावर माघारी पाठवणारा बॉलर दुसरा तिसरा कुणी नसून देवेंद्र बोरा आहे. देवेंद्र बोरा याने पहिल्याच बॉलवर रोहित शर्माची नस दाबली अन् पुल शॉट खेळायला दिला.

पहिल्याच बॉलवर रोहित पुल शॉट मारायला गेला अन् फिल्डरने थर्ड मॅनवर कॅच घेतला. पहिल्यांदा कॅच सुटल्यासारखं वाटलं पण नंतर जगमोहन नागरकोटी याने कॅच पूर्ण केला.

पण रोहितची विकेट घेणारा देवेंद्र बोरा आहे कोण? तुम्हाला माहितीये का? देवेंद्र सिंग बोरा त्याच्या कारकिर्दीतील फक्त तिसऱ्या लिस्ट ए सामन्यात खेळतोय आणि रोहित शर्मा त्याची पाचवी विकेट ठरली.

या मॅचपूर्वी त्याने हिमाचल प्रदेश विरुद्धच्या मॅचमध्ये 44 रन्स देऊन 4 विकेट्स घेत आपल्या फॉर्मची झलक दाखवली होती. देवेंद्र बोराचा आतापर्यंतचा रेकॉर्ड पाहता त्याचा सरासरी 19.5 आणि स्ट्राइक रेट 20.2 इतका प्रभावी आहे.

याआधी त्याने उत्तराखंड प्रीमियर लीगमध्ये (UPL) देहरादून वॉरियर्सकडून खेळताना 6 मॅचमध्ये 10 विकेट्स घेत सर्वांचे लक्ष वेधले होते. फर्स्ट क्लास क्रिकेटमध्येही त्याने 15 मॅचमध्ये 41.13 च्या सरासरीने 30 विकेट्स घेतल्या आहेत.