WhatsAppवर डिलीट केलेले मेसेज कसे वाचायचे? थर्ड पार्टी अॅपचीही गरज नाही, ही आहे Trick

WhatsApp मध्ये कोणी मेसेज पाठवतो आणि नंतर 'Delete for Everyone' वर क्लिक करतो, तेव्हा दुसऱ्या व्यक्तीच्या चॅट बॉक्समध्ये 'This message was deleted' असा मेसेज येतो.

अनेकदा असं होतं की, मित्र किंवा पार्टनर व्हॉट्सअॅप मेसेज पाठवल्यानंतर तो डिलीट करतात. मग तुम्ही त्यांना विचारत राहता की त्यांनी काय लिहिले आहे. पण आता, विचारणे थांबवा, कारण आम्हाला डिलीट केलेले व्हॉट्सअॅप मेसेज वाचण्याची एक उत्तम ट्रिक सापडली आहे.

कोणी व्हॉट्सअॅप मेसेज पाठवतो आणि नंतर 'Delete for Everyone' वर क्लिक करतो, तेव्हा दुसऱ्या व्यक्तीच्या चॅट बॉक्समध्ये 'This message was deleted' असा मेसेज येतो. हे फीचर यूझर्सच्या प्रायव्हसीसाठी डिझाइन केलेले आहे. परंतु ते अनेकदा रिसिव्हरसाठी त्रासदायक ठरू शकते. आता, तुम्ही डिलीट केलेले व्हॉट्सअॅप मेसेज कसे वाचू शकता ते पाहूया.

व्हॉट्सअॅप डिलीट केलेले मेसेज वाचण्यासाठी थेट फीचर देत नाही. असे असूनही, डिलीट केलेले व्हॉट्सअॅप मेसेज वाचण्याचे काही मार्ग आहेत. तुम्ही कोणत्याही थर्ड पार्टी अॅपचा वापर न करता हे मेसेज वाचू शकता.

यासाठी, तुम्हाला अँड्रॉइड 11 किंवा त्यावरील व्हर्जनवर चालणारा अँड्रॉइड फोन आवश्यक आहे. अँड्रॉइडमध्ये 'नोटिफिकेशन हिस्ट्री' नावाचे फीचर आहे जे तुमच्या फोनवर येणाऱ्या नोटिफिकेशन सेव्ह करते. तुम्हाला व्हॉट्सअॅप मेसेजचे नोटिफिकेशन मिळाले आणि नंतर ते डिलीट केले. तर तुम्ही त्याचा मजकूर नोटिफिकेशन हिस्ट्रीमध्ये पाहू शकता. कारण, नोटिफिकेशन हिस्ट्री चालू असताना, नोटिफिकेशन म्हणून येणारा प्रत्येक व्हॉट्सअॅप मेसेज तुमच्या फोनवर सेव्ह केला जातो. पाठवणाऱ्याने नंतर मेसेज डिलीट केला तरीही, तुम्हाला नोटिफिकेशनमधील कंटेंट पाहता येतो.

ही पद्धत कधी काम करते? : ही पद्धत फक्त तेव्हाच काम करते जेव्हा तुमच्या फोनवर मेसेज नोटिफिकेशन दिसते. चॅट आधीच उघडले असेल किंवा नोटिफिकेशन बंद केले असतील, तर मेसेज नोटिफिकेशन हिस्ट्रीमध्ये सेव्ह होणार नाही आणि तुम्ही डिलीट केलेले व्हॉट्सअॅप मेसेज वाचू शकणार नाही.

सर्वात महत्त्वाची गोष्ट म्हणजे नोटिफिकेशन हिस्ट्री ही फक्त 24 तासांपर्यंतच राहते. यामुळे 24 तासाच्या आत तुम्ही डिलीटेड मेसेज वाचू शकता. मात्र यामध्ये तुम्हाला डिलीट झालेले फोटो, व्हिडिओ , ऑडिओ आणि लिंक अॅक्सेस करता येणार नाहीत.