ट्रॅफिकपासून बचाव करायचाय? Google Mapsची ही ट्रिक लगेच करा ऑन

ज्यावेळी आपण एखाद्या नव्या जागेवर किंवा नवीन शहरात जातो. तेव्हा गूगल मॅप आपल्या खुप कामी येतो. एखाद्या स्थानावर पोहोचण्यात आपली खूप मदत करते. आता बरेच लोक रस्त्यांत लोकांना पत्ता विचारण्याऐवजी थेट मॅप पाहून आपल्या डेस्टिनेशनवर पोहोचतात.

गूगल मॅप्स तुम्हाला सर्वात लहान रस्ता दाखवण्यासोबतच टोल आणि ट्रॅफिकची माहितीही देते. आज आपण अशाच काही टिप्स जाणून घेऊया, ज्याचा वापर केल्याने गूगल मॅप आणखी जास्त फायदेशीर होईल आणि तुमचा प्रवास सोपा होईल.

घरातून निघण्यापूर्वी ट्रॅफिक अवश्य पाहा : तुमच्या शहरात नेहमीच जाम लागत असेल. तर निघण्यापूर्वी आपल्या रस्त्याच्या ट्रॅफिकची स्थिती तपासा. यासाठी गूगल मॅप्स ओपन करा आणि ट्रॅफिक लेयर ऑन करा. तुम्हाला लाल रंग दिसला तर याचा अर्थ आहे की, तेथे ट्रॅफिक जाम आहे. हिरवा रंग दिसला म्हणजे रस्ता क्लियर आहे.

इनकॉग्निटो मोडही येईल कामी : तुम्ही इनकॉग्निटो मोडचा वापर करत असाल तर गूगल मॅप्स तुमचे सर्च आणि रस्त्यांची माहिती अकाउंट हिस्ट्रीमध्ये सेव्ह करणार नाही. हे चालू करण्यासाठी प्रोफाइल पिक्चरवर टॅप करा आणि इनकॉग्निटो मोड ऑन करा.

पिन ड्रॉप करण्यासाठी लॉन्ग प्रेस करा: मॅपवर एखादे स्थान पिन करण्यासाठी, लोकेशन निवडा आणि काही सेकंदांसाठी स्क्रीनवर जास्त वेळ दाबा. तेथून, तुम्ही लोकेशन शेअर करू शकता किंवा सेव्ह करू शकता. एकदा लोकेशन पिन केले की, तुम्हाला प्रत्येक वेळी त्याचा पूर्ण पत्ता टाइप करण्याची आवश्यकता नाही.

ऑफलाइन मॅप: तुम्ही अशा मार्गांवर प्रवास करत असाल जिथे मोबाइल नेटवर्क कनेक्टिव्हिटीमध्ये समस्या असू शकते, तर तुम्ही Google Maps ची ऑफलाइन व्हर्जन डाउनलोड करू शकता. या व्हर्जनसाठी इंटरनेट प्रवेशाची आवश्यकता नाही.

ऑफलाइन मॅप डाउनलोड करण्यासाठी गूगल मॅप्स ओपन करा आणि आपल्या प्रोफाइल पिक्चरवर टॅप करा. तिथे तुम्हाला 'ऑफलाइन मॅप्स'चा ऑप्शन दिसेल. येथे तुम्ही जे क्षेत्र डाउनलोड करु इच्छिता ते निवडू शकता.